संसार पोष्ट
भैरहवा, ७ साउन । नेपाल रेडक्रस सोसाईटी जिल्ला शाखा रुपन्देही स्थापनाको ५० बर्ष पुरा भएको छ । ५० औ बर्षलाई रेडक्रस रुपन्देहीले स्वर्ण महोत्सवको रुपमा मनाउने भएको छ ।
स्वर्ण महोत्सवको मगंलवार लुम्विनी स्थित बिश्व शान्ति स्तुपामा शान्तिको प्रतिक परेवा उडाएर सुरुवात गरिएको छ । बिश्वमा शान्ति तथा दैबिकप्रकोप जस्ता प्राकृतिक बिपत्ति नआवस भन्ने कामना सहित लुम्विनीमा परेवा उडाईएको हो । परेवा उडाएर कार्यक्रमको उद्घाटन गर्दै प्रदेस ५ का सांसद फकरुद्धिन खाँनले रेडक्रस परोपकारी संस्था भएको र स्वर्ण महोत्सवमा पनि मानविय हितको कामना गर्दै कार्यक्रम गरेको भन्दै प्रसंसा गर्नुभयो । उहांले यो मौसममा बाढी पहिरो र डुवानको समस्या आईरहेको तथा अझ आउन सक्ने भन्दै मानविय सहायता र उद्धारमा सवै हातेमालो गरेर अगाडी बढ्नुपर्ने बताउनुभयो । प्राकृतिक बिपतबाट भएको मानविय तथा भौतिक क्षती प्रति दुःख ब्यक्त गर्दै सांसद खानले यो बिपतमा मानविय सहायतामा लाग्न सवैलाई आग्रह गर्नुभयो ।
रेडक्रस रुपन्देही २०२७ साल साउन ७ मा स्थपान भएको हो । स्थापनासगै रेडक्रस मानविय सहायतामा लागेको र अहिले ५० औ बर्षसम्म निरन्तर मानविय सेवामै उत्तिकै सक्रिय हुनु रेडक्रस रुपन्देहीको आफैमा गौरवपुर्ण ईतिहास भएको रेडक्रसका जिल्ला सभापति प्रेमलाल उदासले बताउनुभयो ।
स्वर्णमहोत्सवको अवसरमा स्वास्थ्य परिक्षण, जनप्रतिनिधीहरुलाई बिपत ब्यबस्थापन तालिम, सदस्यता विस्तार, उपशाखा थप, रक्तदान गर्नको लागि उत्प्रेणा, सडक नाटक, बक्तृत्वकला, चित्रकला जस्ता कार्यक्रम गरिने सभापति उदासले वताउनुभयो । रेडक्रस प्रदेस पाँचका महासचिव कृष्ण पंगेनीले रेडक्रस दुःखको साथी भएको भन्दै मानविय सेवानै यसको प्रमुख उद्देस्य रहेको बताउनुभयो । रेडक्रस रुपन्देहीका उपसभापति दिपक क्षेत्री न्यौपानेले मानविय सहायता सवै भन्दा ठुलो पुण्य काम भएको औल्याउदै जो कोही पनि एक अर्कोलाई अप्ठ्यारो परेको बेला सहयोगमा जुट्नु पर्ने बताउनुभयो ।
