बुटवल १३ पुस
प्रधानमन्त्री केपी ओलीले गरेको संसद बिघटनको बिरोधमा देशभरी सडक आन्दोलनमा निस्केको नेपाली कांग्रेस रुपन्देहीले जिल्लाको ५ स्थानमा विरोध सभा गरेको छ ।
नेपाली कांग्रेसको क्षेत्रीय समितिहरुको आयोजनामा जिलमा विरोध प्रदर्शन भएको हो ।
जिल्लाको क्षेत्र नम्बर १को धकधईमा पार्टी सभापति अब्दुल रज्जाकले, २को बुटवलमा पार्टी उपसभापति फणिन्द्र शर्माले, ३को भैरहवामा केन्द्रीय सदस्य तथा पूर्वमन्त्री बालकृष्ण खांणले ,४ मझगांउमा प्रतिनिधी सभा सदस्य प्रमोद यादव र क्षेत्र नम्बर ५ को सालझण्डीमा मा पूर्वमन्त्री तथा प्रतिनिधी सभा सदस्य भरत शाहल सम्वोधन गर्नु भएको कांग्रेस रुपन्देहीका सचिव रामकृष्ण खांणले बताउनु भयो ।
विरोध सभामा नेपाली कांगे्रसका केन्द्रीय सदस्य तथा पूर्वमन्त्री बालकृष्ण खांणले केपी शर्मा ओली नेतृत्वको सरकारले जनताको हकअधिकार खोसेको आरोप लगाउनु भएको छ । उहांले नेकपा नेतृत्वको सरकार बनेदेखि नै सुरक्षित भएका अधिकार समाप्त पार्ने काम भएको दावी गर्नु भयो ।
नेकपाको के.पी. शर्मा ओली नेतृत्वको सरकारले गरेको प्रतिनिधिसभा विघटनको कदम असंवैधानिक र अलोकतान्त्रिक भन्दै नेता खांणले ओलीकै पालामा मुलुकमा भ्रष्टाचार बढेको बताउनु भयो ।
सरकारले जनताको मनोभावनाविपरीतका कार्य गर्दै आएको छ, सरकार संवेदनशील छैन, ’उहांले भन्नु भयोे । कोरोना महामारीको रोकथामका लागि भनेर खरीद गरिएका सामाग्रीमा पनि भ्रष्टाचार गरिएको भन्दै उहांले संसद भंग गर्ने प्रधानमन्त्री ओलीको कदम असंवैधानिक र अलोकतान्त्रिक भएको स्पष्ट पार्नु भयो । जनताको जनादेशविरुद्ध लाग्ने कुनै पनि राजनीतिक दलको विरोध गर्नुपर्ने भन्दै उहांले कांग्रेसको विरोधलाई हल्का रुपमा लिने शक्ति समाप्त हुने दावी गर्नु भयो ।
संघीय सदनमा कांग्रेस संसदीय दलका प्रमुख सचेतक समेत रहेका खांणले प्रधानमन्त्री केपी ओलीले संविधानविपरीत कदम चालेकोले यसलाई सच्याउनुपर्ने र जनतासमक्ष माफी माग्नुपर्ने बताउनु भयो । उहांले जनतासंग माफी नमागे कम्युनिष्ट पतन हुने समेत दावी गर्नु भयो ।
’नेपालको राष्ट्रियता र लोकतान्त्रिक मुल्य–मान्यतालाई कमजोर हुन दिने पक्षमा कांग्रेस कहिल्यै हुन सक्दैन भन्दै उहांले मुलुकको संविधानले प्रधानमन्त्री र राष्ट्रपतिलाई नभई जनतालाई मालिक बनाएको बताउनु भयो ।
