ओलीको कदम आत्मघाती भएको टिप्पणी

बुटवल १३ पुस
प्रधानमन्त्री केपी ओलीले गरेको संसद विघटनपछि नेपालमा विकसित राजनैतिक अन्यौलताको निकाषका लागि सर्बाेच्च अदालतको निर्णय नै अन्तिम हुने सरोकारवालाले औल्याएका छन् .
अदालतमा बिचाराधीन मुद्धामा बाहिर बहस र छलफल गनु’को अर्थ नरहेको उनीहरुको तर्क रहेको छ ।
ओली समुहका केन्द्रिय सदस्य तथा लुम्बिनी प्रदेशका सांसद भोजप्रसाद श्रेष्ठले प्रतिक्रियाबादीहरुको चलखेलले पार्टी बिभाजन भएको तर्क गर्नु भयो । संसद विघटन प्रधानमन्त्रीको अधिकार क्षेत्रभित्रको कुरा भएको भन्दै ओलीको बचाउ गर्नु भयो ।
लुम्बिनी प्रदेशमा अविश्वासको प्रस्तावबारे बोल्दै श्रेष्ठले तत्काल त्यो संभावना नरहेको दाबि गर्नु भयो ।
कार्यक्रममा बोल्दै नेपाली कांग्रेसका नेता युवराज गिरीले प्रधानमन्त्रीको कदम लोकतन्त्रको बिरुद्धमा रहेको आरोप लगाउनु भयो । ओलीको गैरसंवैधानिक र तानाशाही शैलीले देश दुर्घटनामा पुगेकामा उहांको चिन्ता थियो ।
कार्यक्रममा बोल्दै अधिबक्ता तथा बरिष्ठ पत्रकार बालकृष्ण चापागाइले प्रधानमन्त्री ओलीले चालेको कदम असंबैधानिक,अप्रजातान्त्रीक,जनघाती,आत्मघाती जघन्य अपराध भएको टिप्पणी गर्नु भयो । दुनियांमा सत्य एउटा मात्रै हुने भन्दै चापागाइले सत्यका पछि नलाग्ने पद,शक्ति र सत्ताका पछि लाग्नेहरु अपराधि भएको आरोप लगाउनु भयो ।
अध्यक्ष रामकुमार क्षेत्रीको अध्यक्षतामा भएको साक्षात्कार कार्यक्रमको संचालन क्लवका सचिव कपिल ज्ञवालीले गर्नु भएको थियो ।