बुटवल, २० मंसिर । सजिलो वचत तथा ऋण सहकारी संस्था लिमिटेड बुटवल ९ कालिकानगरको १२ औं साधारण सभाले कार्यक्षेत्र र सेवा केन्द्र विस्तार गर्ने प्रस्ताव पारित गरेको छ । शनिवार सम्पन्न साधारण सभाले सहकारीको कार्यक्षेत्र रुपन्देही जिल्ला भर र बुटवल १७ मा सेवा केन्द्र विस्तार गर्ने प्रस्ताव पारित गरेको हो ।
कोरोना भाईरस (कोभिड–१९) महामारीको कारण स्वास्थ्य सुरक्षाको मापदण्ड पालना गर्दै मंसीर ३ गतेदेखि शुरु गरिएको प्रतिवेदनमाथिको सुझाव संकलन कार्यक्रम पश्चात शनिवार भएको साधारण सभाले संकलित सुझाव र सहकारीलाई आगामी दिनमा सबल, सक्षम र प्रतिस्पर्धी गराउँदै अगाडि बढाउने दीर्घकालिन लक्ष्य सहितका भावी योजना अगाडि सारेको छ ।
कार्यक्रममा सहकारीले गरिरहेका गतिविधि, योजना र भावी दिनमा गर्नुपर्ने योजनालाई समेटिएको प्रतिवेदन अध्यक्ष रामराज पोख्रेलले प्रस्तुत गर्नुभएको थियो ।
सहकारीका अध्यक्ष रामराज पोख्रेलको अध्यक्षता र सचिव गुणानिधी खनालको संचालनमा भएको साधारण सभामा कोषाध्यक्ष अनिलराज शाक्यले आर्थिक प्रतिवदन, लेखा समिति संयोजक विनसलाल श्रेष्ठले लेखा प्रतिवेदन, ऋण तथा असुली उप समिति संयोजक भिमलाल गौतमले ऋण समितिको प्रतिवेदन प्रस्तुत गर्नुभएको थियो ।
प्रतिवदेनमाथि पूर्व अध्यक्षहरु अमरबहादुर खड्का, योगेन्द्रमणि तुलाधर, सल्लाहकार ठाकुर खड्का, शिक्षा समिति संयोजक यमबहादुर अर्याल लागायतले सुझावहरू राख्नु भएको थियो ।
