बुटवलमा विद्युतीय भुक्तानी (ई–पेमेन्ट) प्रणालीको शुभारम्भ

बुटवल, ११मंसिर
बुटवल उपमहानगरपालिकाले राजश्व तिर्नका लागि लाइन लाग्नुपर्ने पद्धतिको अन्त्य गदै अनलाइनबाटै राजश्व तिर्न मिल्ने व्यवस्था गराएको छ ।
उपमहानगरपालिका र यसअन्तर्गतका १९ वटै वडामार्फत् अनलाईन प्रणालीबाट रावश्व संकलन सुरु गरिएको हो । यो सेवासंगै अब जुनसुकै स्थानबाट पनि अनलाइन मार्फत राजस्व बुझाउन सकिने छ ।
करदाताले नगरपालिकाले संकलन गर्दै आएको एकिकृत सम्पति कर, घर बहाल कर, अन्य व्यवसाय कर, सरसफाई सेवा शुल्क, अचल सम्पति मुल्यांकन शुल्क, नक्सा पास दस्तुर, ठेक्का पट्टा नविकरणलगायतका राजश्वलाई जुनसुकै ठाउँबाट पनि अनलाईनबाटै तिर्न सक्ने व्यवस्था मिलाएको छ ।