सिक्स लैण्ड सडकको बिचको डिभाईडरमा राखिएका बुद्ध मूर्ति किन र कस्ले फोडयो

बुटवल २ साउन
रुपन्देही जिल्लाको तिलोत्तमा नगरपालिकाको सिद्धार्थ राजमार्गको सिक्स लैण्ड सडकको बिचको डिभाईडरमा राखिएका बुद्ध मूर्तिहरू तोडफोड भएका छन ।
तिलोत्तमा नगरपालिकाले सिद्धार्थ राजमार्गमा राखेका सिक्सलेन सडकको शंकरनगर चोकदेखि नयाँमिलसम्म रहेका ५ वटा बुद्धमूर्तिमा तोडफोड भएको हो ।
बुधवार साँझसम्म केही नभएका बुद्ध मूर्ति विहिवार बिहान तोडफोड भएको देखिएको नगरप्रमुख बासुदेव घिमिरेले जानकारी दिनुभयो ।
मूर्ति कसले किन तोडेको हो भन्नेबारे पत्ता लागेको छैन । घटनाको प्रहरी टोलीले अध्यययन सुरु गरेको जिल्ला प्रहरी कार्यालय रुपन्देहीले जनाएको छ ।
लुम्बिनीको झल्को दिन भन्दै गत आर्थिक वर्षमा तिलोत्तमा नगरपालिकाले आफ्नो क्षेत्रमा पर्ने राजमार्गमा २२ वटा बुद्ध मुर्ति स्थापना गरेको थियो। एउटा मूर्तिको तौल नै १ सय १० किलो छ ।
लुम्बिनीको झल्को दिनेगरीमुख्य सडकको बिचको डिभाईडरमा राखिएका मूर्ति कसले र किन तोडफोड गरे भन्ने प्रश्न अहिले गम्भिर बनेको छ भने यसमा ठूलै समूहको सहभागिता रहेको आशंका गरिएको छ ।
मूर्तिमा भएको तोडफोडलाई लिएर अहिले चौतर्फी विरोध भइरहेको छ । शान्तिका अग्रदुत महामानव गौतम बुद्धको मूर्ति तोडफोड गर्नेलाई तुरुन्त पहिचान गरी कारवाही गर्नुपर्ने माग सहित सामाजिक सञ्जालमा चर्को आवाज उठेको छ ।