थप नौ जनामा कोरोना संक्रमण, संक्रमितको संख्या ३०४ पुग्यो

बुटवल, ५ जेठ । नेपालमा थप नौ जनामा कोरोना संक्रमण पुष्टि भएको छ । आज(सोमवार) संक्रमण पुष्टि भएका ९ जना संगै कोरोना संक्रमितको संख्या ३०४ पुगेको स्वास्थ्य तथा जनसंख्या मन्त्रालयले जनाएको छ । मन्त्रालयले विहान जारी गरेको सूचना अनुसार संक्रमण पुष्टि भएका नौ जना मध्ये रौतहटका ८ र बाराका १ जना रहेका छन् ।
स्वास्थ्य तथा जनसंख्या मन्त्रालयका सहप्रवक्ता डाक्टर समिरकुमार अधिकारीका अनुसार काठमाडौंमा गरिएको परीक्षणमा पुष्टि भएका संक्रमितहरुमा रौतहटका ८ जना सबै पुरुष र बाराकी एक महिलामा संक्रमण देखिको हो ।
संक्रमित ३०४ जना मध्ये अहिलेसम्म ३६ जना निको भएर अस्पतालबाट डिस्चार्ज भएका छन् भने कोरोना संक्रमणका कारण दुई जनाको मृत्यु भएको छ । संक्रमित अन्यको स्वास्थ्य अवस्था सामान्य रहेको र सबै स्वास्थ्यकर्मीको सम्पर्कमा रहेको स्वास्थ्य मन्त्रलायले जनाएको छ ।