बुटवल ४ जेठ
यही जेठ ९गतेदेखि बस्ने प्रदेश ५ को अधिवेशनको लागि प्रदेशसभामा रहेको दर्शक दिर्घा हटाईने छ भने त्यहां प्रदेशसभा सदस्यहरुको लागि नै कुर्चि राखिने भएको छ ।
विश्वभर जस्तै नेपालमा पनि फैलिएको कोरोनाको संक्रमणको कारण सामाजिक दुरी कायम गर्दै दर्शकदिर्घा हटाएर प्रदेशसभा सदस्यहरुको कुर्चि राखिने सभामुख पूर्ण बहादुर घर्तिले जानकारी दिनुभयो । अहिले राखिएका कुर्चिहरु नजिक नजिक रहेको कारण कोरोनाको संक्रमणको जोखिम हुनसक्ने भएकोले सामाजिक दुरी कायम गरी कुर्चिहरुको व्यवस्थापन गर्दा दर्शक दिर्घा हटाउनु परेको सभामुख घर्तिले जानकारी दिनुभयो ।
मुख्यमन्त्री शंकर पोखरेको सिफारिसमा प्रदेश प्रमुख धर्मनाथ यादवले यही जेठ ९ गते दिउसो १ बजेको लागि प्रदेशसभाको अधिवेशन आव्हान गरिसक्नुभएको छ । सोहि अनुरुप प्रदेशसभा सदस्यहरुका विचमा दुरी कायम गर्ने गरि बैठक संचालनको तयारीमा प्रदेशसभा सचिवालय जुटेको हो ।
त्यस्तै मन्त्रालयका कर्मचारीको लागि संवाद सचिवालय तथा सांसदहरुको पास मार्फत आउने व्यक्तिहरुको लागि सम्बन्धित पार्टीको संसदिय दलको कार्यालयमा बसेर हेर्ने व्यवस्था मिलाईने सभामुख घर्तिले बताउनुभयो ।
रिपोर्टिङको लागि जाने पत्रकारहरुलाई सामाजिक दुरी कायम गर्ने गरि पालैपालो फोटो र भिडीयो खिच्ने व्यवस्थापन मिलाईने भएको छ ।
