शनिवार कपिलवस्तमा ३ सहित ९ जना कोरोना संक्रमित भेटिए,संक्रमितको संख्या २७६

बुटवल ३ जेठ
नेपालमा शनिवार दुई पटक गरि ९ जना कोरोना संक्रमित भेटिएका छन् । विहान ६ र दिउसो थप ३ जना कोरोना संक्रमित भेटिएका हुन । स्वास्थ्य तथा जनसंख्या मन्त्रालयको पछिल्लो रिपोर्टअनुसार कपिलवस्तुको शिवराज नगरपालिका चन्द्रौटा निवासी २५, ३४, ४४ वर्षका ३ जना पुरुषमा कोरोना संकमण पुष्टि भएको हो ।
यसअघि शनिवार बिहान मात्रै ६ जना नयाँ संक्रमित भेटिएका थिए । बर्दिया नार्खु ११ की २८ वषकी महिला, सिराहा सखुवा १९ का ३० वर्षका पुरुष, विरगन्जका नगरपालिका १२ का २८ र २९ वर्षका पुरुष, सर्लाही रामनगर ४ की १८ वर्षकी युवती र चितवन गढौली १ की २५ वर्षकी युवतीमा कोरोना सङ्क्रमण पुष्टि भएको स्वास्थ्य मन्त्रालयले जनाएको छ । यससँगै नेपालमा कोरोना संक्रमितको संख्या २७६ पुगेको छ ।