बुटवल २ जेठ
रुपन्देहीका सीमा क्षेत्रमा रिपोर्टिङ गर्ने र मधेशी पत्रकारको कोरोना बीमा गरिएको छ ।
लुम्बिनी प्रेस क्लबले सीमा क्षेत्रमा रहेर पत्रकारिता गर्नेहरूका लागि र न्युज ओके मिडिया, मधेशी पत्रकार समाज नेपाल, रुपन्देहीले कोरोना बिमा गराएका हुन ।
न्युज ओके मिडिया, मधेशी पत्रकार समाज नेपाल,रुपन्देही र सगरमाथा इन्स्यारेन्सको सहकार्यमा र लुम्बिनी प्रेस क्लबले अजोड इन्स्योरेन्ससँग कोरोना बिमा गरेका छन ।
दुवैले पत्रकारहरुको समान एक एक लाखको कोरोना बीमा गराएका छन ।
भैरहवा, लुम्बिनी, मर्चवार र धकधई क्षेत्रमा क्रियाशिल १६ जनाको बीमा गरिएको मधेशी पत्रकार समाज रुपन्देहीका अध्यक्ष राधेश्याम विश्वकर्माले बताउनु भयो भने लुम्बिनी प्रेस क्लबले क्लवमा आबद्ध सबै ३५ जना पत्रकारको अजोड इन्स्योरेन्ससँग कोरोना बिमा गरेको क्लबका अध्यक्ष दीपेश पछार्ईले बताउनु भयो ।
कोरोना संक्रमणको पुष्टी भए तत्काल प्रदान गरिने एक लाखबाट पत्रकारको परिवारलाई केही भए पनि राहत होस् भन्ने उद्देश्यले बीमा गरिएको न्युज ओके मिडियाका सम्पादक मनोरञ्जन शर्माले बताउनु भयो ।
पीसीआर परीक्षणबाट कोरोना भाइरसको संक्रमण पुष्टी भएमा बीमालेख जारी भएको एक वर्षसम्म बीमितले एक लाख भुक्तानी पाउने सगरमाथा इन्स्योरेन्स कम्पनी लिमिटेडका क्षेत्रीय प्रबन्धक गोपाल ज्ञवालीले र अजोड इन्स्योरेन्सको भैरहवा शाखा प्रमुख प्रकाश शर्माले बताउनु भयो ।
