सिद्धार्थ राजमार्गको बुटवल–पाल्पा सडक एकतर्फी संचालन

बुटवल, २९ असार । शनिबार अपरान्ह ३ बजेदेखि अवरुद्ध भएको सिद्धार्थ राजमार्ग अन्तर्गत बुटवल पाल्पा सडक खण्ड एकतर्फी रुपमा संचालनमा आएको छ । शनिबार अपरान्ह माथिवाट खसेको सुख्खा पहिरोका कारण सो सडक अवरुद्ध भएको थियो ।
माथिबाट खसेको पहिरोमा पुरिएर शनिवार एक मोटरसाइकल चालकको मृत्यु भएको थियो । ठूलो ढुङ्गा सहित खसेको पहिरोमा पुरिएर मोटरसाईकल चालक पाल्पा निस्दी गाउँपालिका वडानम्वर ९ मित्यालका ३१ बर्षिय धनबहादुर सुनारी मगरको मृत्युभएको हो । सुनारी चढेको लु ५० प ४६७१ नम्वरको मोटरसाईकल भने पहिरोले तिनाउ खोलामा झारेको थियो । सिद्धार्थ राजमार्ग अन्तगर्त पाल्पाको तिनाउ गाउँपालिका वडा नम्बर ३, हेडबक्स नजिकै पहिरो खसेको थियो ।