बुटवल ३० बैशाख
नेपालमा कोरोना संक्रमितको संख्या १९१ पुगेको छ । मंगलवार ५७ जनामा कोरोना पुष्टि भएसंगै संक्रमितको संख्या १९१ पुगेको स्वास्थ्य तथा जनसंख्या मन्त्रालयले जानकारी गराएको छ ।
मन्त्रालयका अनुसार रुपन्देहीमा ९ पर्सामा ३९, कपिलवस्तुका ८, र बारामा १ गरी ५७ जना संक्रमित भेटिएको स्वास्थ्य तथा जनसंख्या मन्त्रालय सहप्रवक्ता डा समीरकुमार अधिकारीले जनाउनु भएको छ् ।
स्वास्थ्य कार्यालय रुपन्देहीका प्रमुख डा. राजेन्द्र गिरीले का अनुसार मंगलवार संक्रमित पुष्टि भएका रुपन्देहीका ९ जना नै लुम्बिनी सांस्कृतिक नगरपालिकाको लुम्बिनी वौद्ध विश्व विद्यालयको क्वारेन्टाईनमा राखिएका भएको बताउनु भयो । उनिहरु विगत ६ देखि ११ दिनसम्म उक्त क्वारेन्टाईमा रहेका व्यक्ति हुन । संक्रमितहरुमा १७ वर्ष देखि ५० वर्ष उमेरका सवै पुरुष रहेका छन ।
लुम्बिनी वौद्ध विश्व विद्यालयको क्वारेन्टाईनमा राखिएका मध्ये ६० जनाको यही बैशाख २७ गते स्वाब परिक्षणका लागि काठमाण्डौ पठाईएकोमा सोमवार २ जना र मंगलवार ९ जनाको कोरोना पोजेटिभ आएको डा गिरीले बताउनु भयो । लुम्बिनी वौद्ध विश्व विद्यालयको क्वारेन्टाईनको दु्ई स्थानमा गरि १सय २२ जना राखिएको छ ।
