बुटवल, २० बैशाख । दैनिक ज्यालादारी गरिखाने विपन्न बर्गका जनसमुदायलाई खाद्यान्नको संकट भैइरहेको अवस्थालाई मध्यनजर गर्दै नृत्यकर्मी तथा संगित कलाकारहरुले राहत बितरण गरेका छन् । नृत्यकर्मी संघ नेपाल, रुपन्देही तथा संगीत कलाकार संरक्षण अभियानको पहलमा तिलोत्तमा नगरपालिका वार्ड नम्बर ४ का बिपन्न परिवारलाई २० हजार बराबरको खाद्यान्न लगाएतका राहत सामाग्री बितरण गरिएको हो ।
विश्वव्यापी रुपमा फैलिएको कोरोनाभाईरसको महामारीको संक्रमण नियन्त्रण गर्न जारी गरिएको लकडाउनका कारण गरिखाने विपन्न बर्गका जनसमुदायलाई खाद्यान्नको संकट भैइरहेको अवस्थालाई मध्यनजर गर्दै राहत बितरण गरिएको नृत्यकर्मी संघका पुर्व अध्यक्ष अनु रजकले बताउनुभयो ।
खाद्यान्न वितरण कार्यक्रममा संगीत तथा कलाकार संरक्षण अभियानका सहजकर्ता किशोर वि.क, तिलोत्तमा नगरपालिका वार्ड न. ४ का अध्यक्ष दिवाकर ढकाल, वार्ड सदस्य मानबहादुर श्रेष्ठ, वार्ड सदस्य तथा राहत व्यवस्थापनका संयोजक मन्जु थापा, नृत्यकर्मी संघ नेपाल, रुपन्देहीका अध्यक्ष मुकेश गुरुङ, उपाध्यक्ष तथा राहत वितरणका संयोजक प्रियंका थापा, कोषाध्यक्ष पुनम थापा, सहसचिब माया सैंजु, सदस्य सुदिप ढकाल, समाजसेवी रुकु पान्डेयलगाएतले राहत बितरण गरेको रजकले बताउनु भयो ।
सामाजिक दुरी कायम गर्दै सुरक्षित रहि लकडाउनको मापदण्ड पालनागरि राहत सामाग्री बितरण गरिएको र गरिखाने कलाकारहरुको अवस्था समेत बुझेर घरबहाल छुट लगाएतका बिषयमा राहत प्रदान गर्न तिनै तहका सरकारलाई आग्रह गरिएको पनि रजकले बताउनुभयो ।
