चितवन, २८ असार । जिल्ला चितवन ईच्छाकामना गाउँपालिका ५ मुग्लिङ बजार नजिक पृथ्वी राजमार्गमा माथिवाट खसेको ढुङ्गाले लागेर एउटा ट्रक त्रिशुली नदिमा खसेको छ । शुक्रवारराती अन्दाजी २ ः ५५ वजेको समयमा भैरहवाबाट काठमाण्डौ तर्फ (दाना लोड) गरेर जांदै गरेको ना ४ ख १७९६ नम्बरको ट्रकमा माथिबाट ठुलो ढुङगा झरी ट्रकमा लाग्दा ट्रक सडकबाट अं. ७०÷८० मिटर तल त्रिशुली नदीमा खसेको चितवन प्रहरीले जनाएको छ ।
ट्रक चालक जिल्ला ललितपुर बस्ने बर्ष ४६ को माधव थापा मगरलाई प्रहरीले उद्धार गरी सरकारी अस्पताल भरतपुरमा उपचार भैरहेको जिल्ला प्रहरी कार्यालय चितवनका प्रहरी नायव उपरिक्षक एकनारायाण कोईरालाले जानकारी दिनुभयो । उनको अवस्था सामान्य रहेको छ । प्रनाउ कोईरालाका अनुसार ट्रकका सह चालक जिल्ला दाङ घोराही बस्ने अन्दाजी बर्ष २४÷२५ को अनिल बेपत्ता भएको र खोजतलास कार्य भईरहेको छ । ट्रक पुरै पानीमा डुबेको छ । घटनास्थल मुग्लिङ वाट १ कि.मि. उत्तरमा पर्दछ ।
