रोकिएको ट्रकमा कार ठोक्किदा एकजनाको मृत्यु

नवलपरासी, २७ असार । पूर्व पश्चिम राजमार्ग अन्र्तगत नवलपरासीको सुनवल नगरपालिका वडा नम्वर १२ मा सडकमा रोकिराखेको ट्रकमा कार ठोक्किदा एक जनाको मृत्यु भएको छ । दुर्घटनामा एक जना गम्भिर घाइते भएका छन । विहीवारराति सवा ११ बजे पूर्वबाट पश्चिम तर्फ आउदै गरेको बा १६ च २७५१ नम्वरको कार सडकमा रोकिराखेको लु २ ख ३१२१ नम्वरको टकमा ठोक्किदा दुर्घटना भएको ५ नम्वर प्रदेश टाफिक प्रहरी कार्यालय बुटवलले जनाएको दुर्घटनामा गम्भिर घाइते भएका रुपन्देहीको तिलोत्तमा नगरपालिकाका अन्दाजी ४५ बर्षिय गोकर्ण पौडेलको लुम्विनी प्रादेशिक अस्पताल बुटवलमा उपचारका क्रममा मृत्यु भएको छ । प्रहरीका अनुसार कारचालक बुटवल लक्ष्मिनगरका २८ बर्षिय सुरेश पोखरेलको बुटवल स्थित सिटी अस्पतालमा उपचार भई रहेको छ ।