तिलोत्तमा, २५ चैत । लकडाउनका कारण रोजी रोटी गुमेका तिलोत्तमा नगरपालिका वडा नं. १ र २ नं. वडाका विपन्न परिवारलाई नवज्योति क्लवले राहत वितरण गरेको छ । क्लवले दुई दिनमा २१० विपन्न परिवारलाई खाद्य सामाग्री वितरण गरी उनीहरुको चुलो बाल्ने काम गरेको छ । क्लवले गरेको सहयोगवाट विपन्न परिवारले केही राहतको महशुस गरेका छन् ।
चैत २४ गते तिलोत्तमा २ का ११७ विपन्न परिवारलाई राहत वितरण गरेको क्लवले २५ गते तिलोत्तमा १ का ९१ प्रिवारलाई राहत बितरण गरेको हो । तिलोत्तमा नगरपालिकाको समन्वयमा स्थानीय तथा घर बहालमा बसेका बिपन्न परिवारहरुलाई १० किलो चामल, २ किलो दाल, आधा लिटर तेल र १ पोका नुन राहत स्वरुप वितरण गरेको हो । दुवै वडाका प्रत्येक घरमा पुगेर दैनिक ज्यालादारी गर्ने विपन्न र घर वहालमा बस्नेहरुको लगत संकलन गरी राहत वितरण गरिएको क्लवका अध्यक्ष दिपेश कँडेलले जानकारी दिनुभयो ।
तिलोत्तमा नगरपालिका वडा नं. २ का वडाअध्यक्ष दधिराम गौतम, क्लवका सल्लाहकार सुमन कंडेल, कार्यक्रम संयोजक इश्वरी भण्डारी, पुर्ब अध्यक्ष चन्द्रकान्त पाण्डे, सामाजिक अभियन्ता बिदुर तुफान, संचालक सागर भट्टराई लगायत क्लबका पदाधिकारी तथा सदस्यहरुले समय र सामाजिक दुरी कायम गरी राहत वितरण गर्नुभएको अध्यक्ष कँडेलले बताउनुभयो ।
क्लबले तिलोत्तमा वडा न.१ का बाटिका टोल बिकास संस्थाका १७, शान्तिमार्ग टोल बिकास संस्थाका ६, नयाँ चप्परहट्टी टोल बिकास संस्थाका २, नवदुर्गा टोल बिकास संस्थाका ३, वुद्द टोल बिकास संस्थाका ९, न्यु लाईट टोल बिकास संस्थाका २, सरस्वति टोल बिकास संस्थाका ९, कपिल टोल बिकास संस्थाका १०, नमुना टोल बिकास संस्थाका २, शिवचोक टोल बिकास संस्थाका ८, प्रगति टोल बिकास संस्थाका २, देविस्थान टोल बिकास संस्थाका ४, मिलन टोल बिकास संस्थाका ३, कालिका टोल बिकास संस्थाका ५ र अमूल्य नगर टोल बिकास संस्थाका ९ परिवार गरि ९१ परिवारलाइ राहत वितरण गरिएको हो ।
सोमबार र मंगलबार गरि क्लबले २१० भन्दा बढी विपन्न परिवारलाई राहत प्रदान गरेको छ । क्लबले विशेषगरी तिलोत्तमा नगरपालिका वार्ड नम्बर १ र २ मा समस्यामा परेका परिवार, बिद्यार्थी, मजदुर तथा राहत लिन छुटेका र नाम टिपाएका बिपन्न परिवारलाई संकलित राहत पुनः वितरण गरिने अध्यक्ष कँडेलले बताउनुभयो ।
