बुटवल, १५ चैत । रोडा ढुङ्गा ब्यवसायी गोपाल ज्ञवालीलाई पत्नी शोक परेको छ । ज्ञवालीकी धर्मपत्नी कल्पना ज्ञवालीको शनिवार विहान ११ बजे बुटवल उपमहानगरपालिका–११, देबीनगर स्थित आफ्नै निवासमा ३८ बर्षको उमेरमा निधन भएको हो ।
नेपाल रोडा ढुङ्गा ब्यवसायी संघ प्रदेश ५ का अध्यक्ष, बुद्ध सामुदायिक टेलिभिजनका उपाध्यक्ष तथा बुटवल लन टेनिसका सचिब लगायत बिभिन्न सामाजिक संघ संस्थामा कृयाशिल ज्ञवालीकी धर्मपत्नी कल्पना बिगत ९ बर्षदेखि क्यान्सर रोगबाट ग्रसित हुनुहुन्थ्यो । स्वर्गीय ज्ञवालीको शनिवार नै रुरु क्षेत्र धाम गुल्मीको रिडीमा अन्तेष्टि गरिएको छ ।
संसारपोष्ट परिवार शोकको यस दःुखद घडीमा पत्नी शोकमा पर्नुभएका हाम्रा शुभेक्षुक गोपाल ज्ञवाली, मृतकका परिवारजन तथा आफन्तजन प्रति समबेदना र स्वर्गीय कल्पना प्रति श्रद्धाञ्जली अर्पण गर्दछ ।
यस्तै ब्यवसायी ज्ञवालीकी धर्मपत्नी कल्पनाको निधन प्रति विभिन्न राजनीतिक दल, सामाजिक संघसंस्था तथा ब्यक्तिहरुले हरुले दुःख ब्यक्त गरेका छन् ।
नेपाली काँग्रेस बुटवल उपमहानगर सभापति खेलराज पाण्डेले नेपाल रोडा ढुङ्गा ब्यवसायी संघ प्रदेश ५ का संयोजक तथा बुद्ध सामुदायिक टेलिभिजनका उपाध्यक्ष गोपाल ज्ञवालीकी धर्मपत्नी कल्पना ज्ञवालीको निधन प्रति दुःख ब्यक्त गर्दै समबेदना प्रकट गर्नुभएको छ ।
यस्तै बुद्ध सामुदायिक टेलिभिजनका अध्यक्ष ओम ज्ञवालीले पनि शोक बिज्ञप्ति जारी गरी मृतकका परिवारजनप्रति समबेदना र मृतात्माको चीर शान्तिको कामना गर्नुभएको छ । यसैगरी बुटवल उद्योग बाणिज्य संघका कार्यसमिति सदस्य नरिश्वर शर्माले पनि ज्ञवालीकी धर्मपत्नीको निधनको खबरले आफुलाई निकै मर्माहत वनाएको भन्दै शोक सन्तप्त परिवारजनमा समबेदना र मृतआत्माको चिर शान्तिको कामना गर्नुभएको छ ।
