रुपन्देहीको घोडाहामा भएको दुर्घटनामा महिलाको मृत्यु, चाकल गम्भिर

बुटवल २ चैत
पूर्व पश्चिम राजमार्ग अन्र्तगत रुपन्देहीको देवदह स्थित घोडाहामा दुईवटा टिप्पर आपसमा ठोक्किदा टिप्परमा सवार महिलाको उपचारका क्रममा मृत्यु भएकाने छ । टिप्परका चालक गम्भिर घाईते भएका छन् । बुटवलबाट सुनवलतर्फ जाँदै गरेको लु २ ख १२१८ नम्बरको टिप्पर र बुटवल तर्फ आउँदै गरेको लु १ ख २५८४ नम्बरको टिप्पर शनिबार दिउँसो २ बजेको समयमा आपसमा ठोक्किएका थिए । टिप्परमा सवार ३५ वर्षीय सुनिता चौधरी को उपचारका क्रममा मृत्यु भएको प्रहरीले जनाएको छ् ।
सुनवल तर्फ जाँदै गरेको लु २ ख १२१८ नम्बरको टिप्परको अंगाडीको टायर पन्चर भएर अनियन्त्रित भएपछि विपरित दिशा तर्फ जाँदै गरेको लु १ ख २५८४ नम्बरको टिप्परमा ठोक्किएको थियो । दुर्घटनामा परि लु १ ख २५८४ नम्बरको टिप्परका चालक लुम्बिनी सांस्कृतिक नगरपालिका वडा नं. १० का ३७ वर्षीय कमलेश यादव गम्भिर घाईते भएका छन् । चालकको लुम्बिनी प्रादेशिक अस्पताल बुटवलमा उपचार भईरहेको ईलाका प्रहरी कार्यालय बुटवलका प्रहरी नायव उपरिक्षक भिमलाल भट्टराईले जानकारी दिनुभयो ।
दुई टिप्पर आपसमा ठोक्किदा आगो लागेको थियो । दुई टिप्पर आपसमा ठोक्किएपछि पछाडी बुटवल तर्फ आउँदै गरेको बा २० च ५५१६ नम्बरको कार समेत ठोक्किएको थियो । कारमा सामान्य क्षती भएपनि मानवीय क्षती नभएको प्रहरीले जनाएको छ । दुर्घटनापछि टिप्परमा आगलागी भएको र दमकलको सहायताले आगो नियन्त्रणमा लिईएको थियो भने जेसीबिको सहायताले दुर्घटनाग्रस्त टिप्परलाई सडकबाट हटाएर करिव दुई घण्टा अवरुद्ध पूर्वपश्चिम राजमार्ग सााँझ ४ बजे सुचारु गराईएको प्रहरी नायव उपरिक्षक भट्टराईले जानकारी गराउनु भयो ।