बुटवल,२७ माघ.
रुपन्देहीको बुटवलमा ९० जना किसानको लगानीमा बुद्धनगर एग्रो फार्म प्रालि सञ्चालन गरिएको छ । एकीकृत कृषि क्रान्ति, कृषकको मनमा शान्ति भन्ने मूल नारालाई अगाडी सारोर बुद्धनगर एगे फार्म सञ्चालन गरिएको हो । करिव २२ करोडको लगानीमा सञ्चालित एग्रो फार्मले किसानले उत्पादन गरेका उत्पादन खरिद गर्ने र किसानलाई आवश्यक पर्ने समान उपलब्ध गराउने गरेको छ । बुटवलको देवीनगर र नेपालगञ्जरोडबाट किसानलाई आवश्यक पर्ने कृषि सामाग्री उपलब्ध गराउंदै आएको बुद्धनगर एग्रो फार्म प्रालिले बुटवलको रानीगञ्जमा बथशाला सञ्चालन गरेको छ , भने मुर्गीयामा ह्याचरी सञ्चालन गरेको छ । कृषि अन्तर्गत विभिन्न जातका कुखुरा, अण्डा, दाना उत्पादनको क्षेत्रमा काम गरिएको एग्रो फार्म सञ्चालक कृष्णबहादुर जीसीले जानकारी गराउनु भयो । कृषिको क्षेत्रमा काम गर्दै आएको बुद्धनगर एग्रो फार्म प्रालिले आफ्नो प्रथम वार्षिक साधारण सभा गरेको छ । किसानलाई आफै मालिक र आफै उपभोक्ता बनाउने उद्देश्यले विशेष योजनाका साथ प्रालि सञ्चालन गरिएको बुद्धनगर एग्रो फार्मका अध्यक्ष खड्कबहादुर थापाले बताउनु भएको छ । किसानहरुलाई आवश्यक पर्ने गुणस्तरयुक्त चल्ला, दाना, भेटेनरी, औषधी, तालिक, तथा प्राविधिक सहयोग दिने र किसनाहरुले उत्पादन गरेृका कुखुरा, अण्डा खरिद गरी बजारीकरण गर्ने प्रालिको उद्देश्य रहेको छ । किसानहरुको आयस्तरमा सुनिश्चितता गरी संविधान र परिकल्पना गरेको अनुसार कृषिमा देशलाई आत्मनिर्भर बनाउने प्रमुख लक्ष्य रहेको सञ्चालक जीसीले जानकारी गराउनु भयो ।
