भैरहवा, २६ माघ । जिल्ला प्रहरी कार्यालय रुपन्देहीबाट खटिएको प्रहरी टोलीले जिल्लाका बिभिन्न स्थानवाट भन्सार छली अबैधरुपमा नेपाल तर्फ ल्याउंदै गरेको डेढ लाख बराबरका सामाग्री फेला पारी बरामद गरेको छ ।
प्रहरीले खाद्यान्न सामाग्री, लत्ता कपडा, तथा साउण्ड बक्स लगायतका सामान समेत गरी १ लाख ३ हजार ४७५ रुपैयाँको सामान बरामद गरी आवश्यक कारवाहीका लागि आज भैरहवा भन्सार कार्यालय बेलहिया पठाइएको जनाएको छ ।
यस्तै जिल्लावाट खटिएको प्रहरी टोलीले रुपन्देहीको रोहिणी गाउँपालिका वार्ड नं.–३ बाट क्वारेण्टाइन जाँच नगराई ल्याएको ५६ गोटा बोइलर कुखुरा समेत बरामद गरेको छ ।
४२ हजार मूल्यका बोइलर कुखुरा आवश्यक कारवाहीका लागि पशु क्वारेण्टाइन कार्यालय बेलहिया पठाइएको जिल्ला प्रहरी कार्यालयका सूचना अधिकारी एबं प्रवक्ता प्रहरी नायव उपरिक्षक खडकबहादुर खत्रीले जानकारी दिनुभयो ।
