नवलपरासी, १९ मंसिर । चितवन निकुन्जको नारायणी नदि किनारमा ३० वर्षको भाले गैडा मृत अबस्थामा फेला परेको छ । चितवन निकुन्जका सूचना अधिकृत गोपाल घिमिरेका अनुसार गैडा फुड प्वाइजन ( बिशाक्त खाना) ले मरेको प्रारम्भिक अनुसन्धानले देखाएको छ ।
चितवन निकुन्जको गांजिपुरवाट बगेको गैडा नदीकिनारको सिसवारमा मृत भेटिएको हो । गैडा अन्दाजी ३० वर्षको छ । गैडाको शरिरमा घाउचोट लागेको छैन ।
गैडा चरिचरणमा जांदा कहिलेकाहि धेरै खान्छ र फुड प्वाइजन हुन्छ । प्रारम्भिक अनुसन्धानले गैडा फुड प्वाइजनिंगले मरेको देखिन्छ सूचना अधिकृत घिमिरेले भन्नुभयो – ‘मृत गैडाको खाग र .खुर काटेर कसरा ल्याइएको छ । नदी किनारमा गैडा देखेपछि स्थानियले निकुन्जमा खबर गरेका थिए ।’
निकुन्जवाट खटिएको टोलीले गैडा मर्नुको कारण र अबस्था बारे अनुसन्धान थालेको छ । यो समेत यो वर्ष कालगतिले ५ वटा गैडा मरेका छन् । चितवन निकुन्जमा गैडा गणना भैरहदा भाले गैडा मृत भेटिएको हो ।
