ईन्धनमा गरिएको मुल्यबृद्धि विरुद्ध नेविसंघको चक्काजाम

बुटवल, १८ मंसिर । ईन्धनमा गरिएको भएको मुल्यबृद्धिको प्रति नेपाली काँग्रेसको भातृ संगठन नेपाल बिद्यार्थी संघले बिरोध गरेको छ ।
बिरोध स्वरुप नेपाल बिद्यार्थी संघले आज बुटवल मिलनचोकमा एक घण्टा चक्काजामको आयोजना गरेको छ ।
अहिले बिहान ९ बजेदेखि १० बजेसम्म हुने हुने चक्काजाममा सहभागिताका लागि आम विद्यार्थीलाई आह्वान गरिएको नेपाल बिद्यार्थी संघका नेता छायाँ पोख्रेलले जानकारी दिनुभयो । पाख्रेलका अनुसार मूल्य बृद्धि विरुद्ध विरोध प्रदर्शन सहित चक्काजाम गरिने छ ।
अन्तरराष्ट्रिय बजारमा मूल्य बृद्धि भएको जनाउदै नेपाल आयल निगमले सोमबार राति ज्ञ२ बजेदेखि लागु हुने गरी पेट्रोल र डिजलमा प्रति लिटर २ रुपैयाँ बुद्धि गरेको छ ।
अन्तरराष्ट्रिय बजारमा मूल्य बृृद्धि हुंदा समेत विगत चार महिनायता मूल्य समायोजन नगरेको निगमले सोमवार मध्येरातदेखि लागु हुनेगरी मूल्य बृद्धि गरिएको आयल निगमका कार्यकारी निर्देशक सुरेन्द्रकुमार पौडेलले जानकारी दिनुभयो ।
हाल पेट्रोल १०७ र डिजेल ९५ रुपैयाँमा विक्री हुदै आएकोमा मूल्य बृद्धि संगै १०९ र ९७ रुपैयाँ पुगेको छ । निगमका अनुसार अघिल्लो मूल्य गएको साउन २२ गते निर्धारण गरिएको थियो ।