बुटवल, १५ मंसिर । आज विवाह पञ्चमी । प्रत्येक वर्ष मार्गशीर्ष शुक्ल पञ्चमीका दिन मनाइने विवाहपञ्चमी पर्व आज श्रीरामचन्द्र र सीताको पूजा आराधना गरी देशभर मनाइँदैछ ।
त्रेता युगमा भगवान रामले राजा जनककी छोरी सीतासँंंग विवाह गरेको दिनको सम्झनामा हरेक वर्ष मंसिर शुक्ल पन्चमी तिथिमा राम सीताको विवाह गरी विवाह पन्चमी मनाउने गरिन्छ ।
मिथिलाको प्राचीन राजधानी जनकपुरधाममा सधैंको बर्षझै यसटक पनि भब्य कार्यक्रम गरी भगवान् सीता र रामको विवाह महोत्सव विधिपूर्वक हुँदैछ । महोत्सव अन्तर्गत जनकपुरको राम मन्दिरबाट भगवान रामको रथ सहितको जन्ती र जानकी मन्दिरबाट सीताको रथ रङ्गभूमिमा लगेर स्वयम्वर गरिन्छ । त्यसपछि दुवै रथलाई जानकी मन्दिर पु¥याई बेलुकी वैदिक परम्परा अनुसार रामजानकीको विवाह गरि विवाह महोत्सव सम्पन्न गर्ने प्रचलन छ ।
मिथिलावासीले यस पर्वलाई विशेष महोत्सवका रूपमा मनाउने गरेका छन् । सीतालाई छोरीबहिनीका रूपमा मान्ने मिथिलावासी महोत्सवमा देवीदेवताको सहभागिता शरीर नभए पनि अदृश्य रूपमा हुने विश्वासले हर्षोल्लासका साथ प्रतिछायाँ जन्तीको आगमनदेखि बिहेसम्ममा सहभागी हने गर्दछन् । आज विवाह गर्न साइत नचाहिने मान्यता समेत रहेको छ ।
