३ जेठ, चितवन । विजय सुवेदी तत्कालीन नेकपा एमाले चितवनको तीन पटकसम्म पार्टी प्रमुख भए । पहिलो पटक ०४९ सालमा नेकपा एमाले चितवनको पार्टी सचिव हुँदा उनी जम्मा २९ बर्षका थिए । उनी पार्टी प्रमुख भएको अर्को बर्षमा नै कविलासको दासढुंगाबाट रहस्यमय जीप दुर्घटनामा नेकपा एमाले महासचिव मदनकुमार भण्डारी र संगठक जीवराज आश्रितको निधन भयो ।
जिल्लाको पार्टी प्रमुख पनि भएको नाताले उनले घटनालाई नजिकबाट नियाल्ने मौका मात्रै पाएनन्, जीपका चालक अमर लामासँग पहिलोपटक भेट्ने पार्टीका नेता पनि उनै हुन् ।
