बुटवल १५असोज
नयागाउँ खानेपानी उपभोक्ता तथा सरसफाइ संस्था बुटवल १२ मा नवनिर्मित सभाहलको उद्घाटन गरिएको छ । कुल ७८ लाख ७८ हजार लगानीमा सो हल निर्माण गरिएको हो । हलको बुटवल १२ का वडाअध्यक्ष दुर्गा सुबेदी र १३ का वडाध्यक्ष नारायणप्रसाद पुनले संयुक्त रुपमा उद्घाटन गर्नु भएको हो ।
उक्र कार्यक्रमसंगै संस्थाको बिशेष साधारणसभा समेत सम्पन्न भएको छ । खानेपानीका अध्यक्ष डिल्लीप्रसाद शर्मा आचार्यको अध्यक्षतामा भएको कार्यक्रममा बुटवल १२ का वडाअध्यक्ष दुर्गा सुबेदी , १३ का वडाध्यक्ष नारायणप्रसाद पुन, खानेपानीका पूर्व अध्यक्ष साबित्रा रेग्मी, सल्लाहकार तथा नेपाली कांग्रेस बुटवल १३ सभापति पुरुषोतम बस्याल, यज्ञमूर्ति भण्डारी, तामनगर राजपुर खानेपानीका अध्यक्ष जितबहादुर राहदी, खानेपानीका उपाध्यक्ष तथा सभाकक्ष निर्माण समिति अध्यक्ष रमा केसी, सचिब ओमप्रसाद भट्टराई, कोषाध्यक्ष कृष्णराज गैरे लगायतले बोल्नु भएको थियो ।
बन्द सत्रमा बिधान संसोधन पास गरिएको अध्यक्ष शर्माले बताउनु भयो । खानेपानीमा ६ लाख २५ हजार लिटर क्षमताका २ ट्यांकी बनाइएको छ । २० करोडको सहलगानी योजना सम्पन्न भएको घोषणा पनि गरिएको थियो ।
