दुई तिहाईको सरकारले पनि केही गर्न सकेनः मुख्य मन्त्री राउत

नवलपरासी ११ असोज । प्रदेश २ का मुख्य मन्त्री लालबाबु राउतले मुलुकमा दुई तिहाईको सरकार रहे पनि सकारले उपलब्धी मुलक काम केही गर्न नसकेको टिप्पणी गर्नुभएको छ ।
शुक्रबार समाजवादी पार्टी नवलपुरको आयोजनामा नवलपरासीको कावासोतीमा भएको कार्यकर्ता भेटघाट कार्यक्रममा बोल्दै मुख्यमन्त्री राउतले यस्तो टिप्पणी गर्नुभएको हो ।
उहांले सरकारको नेतृत्वमा रहेकासँग दुई तिहाईको दम्भ रहेको तर दुई तिहाईको सरकारले गर्न सक्ने काम अनुसारको काम भने नगरेको बताउनुभयो । यो सरकारले आदिवासी, जनजाति, दलित, उत्पीडित वर्गको पक्षमा काम गर्न नचाहेको आरोप समेत उहांले लगाउनुभयो ।
उहांले नेकपा र नेपाली काँग्रेसको लक्ष्य भनेको सरकारमा टासिरहनु बाहेक अरु नरहेको समेत बताउनुभयो ।