बुटवल, २४ भदौ । पाल्पा जिल्ला बगनासकाली गाउँपालिका घर भई हाल भारतको नयाँ दिल्लीमा आफ्नो कर्मथलो बनाएका संष्कृतका बिद्धान युवाकवि युवराज भट्टराई भारतको प्रतिष्ठित युवाकवि पुरस्कारबाट सम्मानित हुनुभएको छ ।
भारत सरकारको भाषा तथा संष्कृति मन्त्रालय संग आवद्ध संस्था साहित्य एकाडमीले २४ वटा राजकीय भाषाहरुमा बाषर््िाक पुरस्कार २०१९ वितरण गरेको छ । ११ कविता, ६ पुस्तक र १ साहित्य समालोचनाका कृति मध्येबाट भट्टराईको कृतिलाई चयन गरिएको हो । यसका लागि २३ भाषाका बिद्धान प्रतिनिधिहरुद्धारा सम्वन्धित युवा लेखक र कविहरुलाई सम्मान गरेका थिए ।
पाल्पा माडीको ठुलोचौरमा जन्मिनुभएका युवा कवि युवराज भट्टराईको भक्तिपरक वागविलासिनी काव्यलाई संष्कृत भाषाको उत्कृष्ठ कविताका रुपमा चयन गरिएको थियो । ।
भट्टराईको प्राथमिक शिक्षा ठुलाचौर कै जनप्रिय माध्यमिक बिद्यालयमा भएको हो । उहांले भारतको नयाँ दिल्लीस्थित सारदादेवी संष्कृत बिद्यापिठ नामक गुरुकुलमा प्रवेश भई अध्ययन गरेर अल इण्डिया रेडियो र डिडि न्युजमा संष्कृतमा वार्ता सम्पादक र समाचार वाचकका रुपमा काम गर्दै आउनु भएको छ ।
युवा कवि भट्टराईले स्नातक दिल्लीस्थित लाल बहादुर शास्त्री संष्कृत बिद्यापिठमा पाणीनी व्याकरणमा गर्नुभएको हो । संष्कृत व्याकरणमै हंसराज महाबिद्यालयमा स्नातकोत्तर गर्नुभएका भट्टराईले दिल्ली बिश्वबिद्यालयबाट संष्कृत विभागको व्याकरणमै पिएचडि गर्दै हुनुहुन्छ ।
