बुटवल ११ भाद्र
बुटवलको वेष्ट कस्मेटिक उद्योगले बिक्रेताहरुसंग उत्पादनका वारेमा अन्तरक्रिया गरेको छ । बुटवलमा रहेको उद्योगले आफ्नो होलसेल बिक्रेताहरुलाई एकै स्थानमा राखेर उत्पादलित बस्तुको वारेमा समग्रपक्षका वारेमा छलफल गरेको हो । सो अवसरमा उद्योगका तर्फबाट होलसेल बिक्रेताहरुलाई सम्मान समते गरिएको थियो । उद्योगका संचालक तथा प्रवन्ध निर्देशक शान्ती शर्माले उपभोक्ताहरुको चाहना अनुसार वस्तुको उत्पादन गर्न सकेमा सफलता मिल्ने बताउदै गुनासा र सुझाव दिन आग्रह गर्नु भयो ।
उहाँले स्थानिय उद्योगलाई प्रथमिकता दिएर उत्साह प्रदान गरिदिएकोमा केही गर्नुपर्छ भन्ने भावना जाग्रित भएको बताउनु भयो । सो अवसरमा कस्मेटिक व्यवसायी सघका अध्यक्ष अब्दुल सलामतले गुणस्तर र ग्राहकको चाहना अनुसार उत्पादित वस्तुले बजारमा स्थान बनाउने बताउनु भयो । उहाँले स्थानिय र स्वदेशि उत्पादनलाई आफुहरुको साथ र सहयोग रहने बताउनु भयो । कार्यक्रम प्रमुख अतिथि यमकान्ती तिमिल्सीना र निरज पोख्रेलले महिलाले संचालन गरेका उद्योगलाई प्रोत्साहन गर्नु पर्नेमा जोड दिनु भएको थियो ।
