बुटवल । “भोकालाई भोजन,प्यासीलाई पानी” महाअभियान सञ्चालन गर्दै आएको जय महाँकाल युवा समुहले भोली मंगलबार बुटवलमा सामुहिक भोजन गराउने भएको छ ।
राजधानी काठमाडौं,दाङलगायत देशका विभिन्न ठाउँमा सडक बालबालिका,ज्यालामजदुरी गरेर जिविकोपार्जन गर्दै आएका बिपन्न,असहाय, बेसहारा तथा असक्तहरूलाई भोजन गराउँदै आएको समुहले भोली मंगलबार बिहान १० बजे बुटवलको नयाँ बसपार्कमा खाना खुवाउने तयारी गरेको हो ।
मंगलबार बुटवलमा दुई सय ५० देखि पाँच सय जनासम्मलाई खाना खुवाउने तयारी भएको समूहका दाङ जिल्ला अध्यक्ष समेत रहेका अभियन्ता डिल्लीबहादुर बस्नेतले जानकारी दिनुभयो ।
२०७२ सालको महाभुकम्पमा १२ जना आफन्त गुमाएका साविक सर्लाही हाल राजधानी काठमाडौंमा बस्दै आएका लीलानाथ भण्डारीको अगुवाइमा कोभिड–१९ महामारीका बेला भएको लकडाउनमा सुरूवात गरेको “भोकालाई भोजन,प्यासीलाई पानी” महाअभियान मंगलबार बुटवलमा शुभारम्भ गर्न लागिएको अभियन्ता बस्नेतले बताउनुभयो ।
