भैरहवा । मानव बेचविखन मुद्धाको एक अभियुक्तलाई रुपन्देही प्रहरीले ८ बर्ष पछि पक्राउ गरेको छ ।
प्रहरीले जिल्ला रुपन्देही बुटवल उप–महानगरपालिका वडा नं. ११ न्यु दुर्गानगर बस्ने बर्ष ४६ की बिष्णु माया शर्मा परियारलाई पक्राउ गरेको हो ।
प्रहरीका अनुसार निज महिलाले मिति २०७४ साल बैशाख ७ गते ३ जना महिलाहरुलाई बेचबिखन गर्न भारत हुदै कुवेत तर्फ लैजान लागेकी थिइन् । २०७४ साल देखि हाल सम्म फरार रहेकी परियारलाई इलाका प्रहरी कार्यालय बुटवलबाट खटिएको प्रहरी टोलीले खोजतलास गर्ने क्रममा बुटवल उप–महानगरपालिका वडा नं. ११ मा लुकीछिपी बसेको अवस्थामा फेला पारी आज पक्राउ गरी आवश्यक अनुसन्धान कार्य भईरहेको प्रहरीले जनाएको छ ।
