तिलोत्तमा । नेकपा एकीकृत समाजवादीका महासचिव घनश्याम भुसालले पार्टी अध्यक्ष माधव कुमार नेपाल पतञ्जलीकाे जग्गा प्रकरणमा नमुछिएकाे दावी गर्नुभएको छ ।
उहाले आफूहरूले कानुन र अदालतकाे सम्मान गर्ने तर, अख्तियारले दावी गरेजस्ताे अध्यक्ष नेपाल अनियमिततामा संलग्न नरहेकाे प्रष्टाउनुभयो ।
गृहजिल्ला रूपन्देहीकाे तिलाेत्तमामा पार्टी कार्यक्रमलाई शनिबार सम्बाेधन गर्दै महासचिव भुसालले यस्ताे बताउनुभएको हो ।
उहाले प्रधानमन्त्री केपि शर्मा ओलीले अख्तियारले नै तामेलीमा राखिसकेकाे मुद्वालाई बदलाकाे भावनाले अगाडि बढाएकाे टिप्पणी गर्नुभयो । ‘ओली जि आफ्ना विराेधीलाई ८४ सम्म सकाउन लाग्नुभएकाे छ, त्यहि शिलशिलाका रूपमा पार्टी अध्यक्षमाथि बदलाकाे स्वरूप मुद्वा चलाईएकाे हाे’ उहाले भन्नुभयो । उहाले रास्वपाका सभापति रवि लामिछानेमाथि पनि सरकारले प्रतिशाेध साँधेकाे बताउदै पार्टी अध्यक्षमाथि पनि त्यहि नियति दाेहरिएकाे बताउनुभयो ।
‘८४ सम्म एमाले र काँग्रेसका मात्रै उम्मेद्वार हुने वातावरण बनाउन खाेजिएकाे छ, त्याे पूरा हुदैन’ उहाले भन्नुभयो । पार्टीमाथि भएकाे आक्रमणलाई चिर्न उहाले अनुराेध गर्नुुुयो । वर्तमान नेतृत्व असफल हुदा मुलुकमा निराशा देखिएकाे बताउदै यसबाट मुक्ति पाउन सुशासन र राेजगारी मूल ऐजेन्डा हुनुपर्नेमा जोड दिनुुुयो । उहाले वर्तमान सरकारकै कारण सडकमा पुनरउत्थानवादी शक्ति देखिएकाे उल्लेेेख गर्नुभयो ।
