सिचाईका लागि धमाधम बोर जडान गर्दै सिद्धार्थनगर

भैरहवा । रुपन्देहीको सिद्धार्थनगर नगरपालिकाको कृषि क्षेत्र रहेको वडा १० र ११ मा सिचाईका लागि धमाधम बोर गाड्न सुरु गरिएको छ । वडा नं १० मा गत वर्ष ९ वटा वोर गाडिएको थियो । यो वर्ष वडा नं ११ मा ६ वटा वोर गाड्ने काम अहिले भैरहेको छ ।
सिद्धार्थनगर नगरपालिका नगर प्रमुख इश्तियाक अहमद खाँले नगरमा बजेट अपुग भए पछि ब्यक्तिगत लगानीमै ५ वटा बोर जडान गर्नुभएको थियो । उक्त वडामा बाँकि ८ बटा गरी १३ बटा बोर जडान गरिएको थियो । निर्वाचनमा कृषि उत्पादन बढाउनको लागि कृषकहरुसंग सिचाइ सुविधाको प्रतिवद्धा गरेका नगर प्रमुख खाँले नगरको बजेट कम हुंदा आफ्नै १० लाखको लगानीमा ५ वटा बोर जडान गर्नुभएको थियो ।
सुख्खा क्षेत्रमा बोर मार्फत सिचाई सेवा सुरु भएपछि किसान लाई राहत भएको र नगर प्रमुखले आफ्नै लगानीमा निःशुल्क बोर जडान गरी सिंचाईको ब्यवस्था गरेपछि किसान थप उत्साहित बनेको कृषक माधव मुराउले बताउनुभयो । कृषक चन्द्रवती कोईरीले सिंचाईको अभावमाा पशुलाई घाँस पनि राम्रोसंग उब्जनी नहुने जमिनमा सिचाई सुविधा पछि किसानहरु उत्पादन लिन सफल भएको बताउनुभयो । कृषिमा सिचाइका लागि सिद्धार्थनगर नगरपालिका नगर प्रमुख खाँले खेलेको भूमिका उदाहरणीय रहेको उहांले बताउनुभयो ।
यो बर्ष नगरको १० लाखको लागनीमा बडा नं ११ मा ६ वटा बोर जडान गर्ने काम भैरहेको नगर प्रमुख खााँनले जानकारी दिनुभयो । बोर सगै विपन्न बर्गाका लागि स्वच्छ पिउने पानीका लागि ट्युवेल जडान समेत गरिएको छ ।
किसानहरुलाई सुख्खा ठाँउमा सिचाँईको सुविधा पु¥याएसंगै किसानहरुको दैनिकीमा समेत फेरबदल हुनुका साथै किसानले राहतको महशुस गरेको नगर प्रमुख खाँले बताउनुभयो । सिद्धार्थनगर औद्योगिक, पर्यटकीय नगर सँगै यहाँका केही क्षेत्रहरु कृषि उव्जाउमा समेत पकेट क्षेत्र रहेकाले अन्य क्षेत्रको विकास संगैं नगरले कृषि क्षेत्रलाई समेत प्राथमिकतामा राखेर काम गरिरहेको प्रमुख खाँले बताउनुभयो ।