भैरहवा । जिल्ला प्रहरी कार्यालय रुपन्देही तथा मातहतबाट खटिएको प्रहरी टोलीले जिल्लाका बिभिन्न स्थानहरुमा चेकजाँच गर्ने क्रममा भारतबाट नेपाल तर्फ अबैध रुपमा भन्सार छली चोरी पैठारी गरी ल्याउदै गरेको अवस्थामा करिव १८ लाख २१ हजार ५६५ रुपैयाँ बरावरको सामान र कुखुरा बरामद गरेको छ ।
जिल्ला प्रहरी कार्यालयबाट खटिएको प्रहरी टोलीले मायादेवी गाउँपालिका वडा नं. ६ मोतिपुरबाट लु २ च ७३२१ नं.को पिकअपमा अबैधरुपमा ल्याउदै गरेको २ भैसी, १ पाडा, १ पाडी, पिकअप र चालक रुपन्देही रोहिणी गाउँपालिका वडा नं. ३ सिसहनिया बस्ने बर्ष २६ को धिरेन्द्र प्रसाद मल्लाहलाई पक्राउ गरेको छ ।
जिल्ला प्रहरी कार्यालयबाटै खटिएको प्रहरी टोलीले सिद्धार्थनगर नगरपालिका वडा नं. १ बेलहिया र लुम्बिनी साँस्कृतिक नगरपालिका ३ र ४ बाट डाटा केवल २ प्याकेट, मिनी अटो साउण्ड बक्स १० पिस, एयरबोट २६ पिस, स्मार्ट घडी १९ पिस, सादा मोबाईल १ थान, चिनी ७५० के.जी., बोइलर कुखुरा ४० पिस, सहित लु २७ प १४२४ नं. को मोटरसाईकल नियन्त्रणमा लिएको छ ।
यस्तै इलाका प्रहरी कार्यालय बेथरीबाट खटिएको प्रहरी टोलीले मायादेवी गाउँपलिका वडा नं. ६ बेथरीपुलबाट लु २ च ३६७४ नं.को पिकअप गाडीमा अबैधरुपमा ल्याउदै गरेको भैंसी ४ वटा, पाडी १ वटा, पिकअप गाडी सहित चालक देवदह नगरपालिका ११ बस्ने बर्ष २६ को बिशाल चौधरी र पिकअपमा सवार सोही ठाउँ बस्ने बर्ष ३६ को रजिन्दर यादव समेतलाई पक्राउ गरेको छ ।
वडा प्रहरी कार्यालय भैरहवाबाट खटिएको प्रहरी टोलीले सिद्धार्थनगर नगरपालिका वडा नं.८ अञ्चलपुरबाट लेडिज सुट १५ पिस सहित किराना सामान बरामद गरेको छ । ्
बरामद भएका सामान, कुखुरा, पिकअप गाडी र पक्राउ परेका गाडीका चालक सहित गाडीमा सवार ब्यक्तिलाई आवश्यक कारवाहीको लागि भैरहवा भन्सार कार्यालय तथा पशु क्वारेन्टाईन चेक पोष्ट बेलहियामा बुझाइएको रुपन्देही प्रहरीले जनाएको छ ।
