बुटवल । रुपन्देही प्रहरीले बख्रीको मासुलाई खशीको मासु भनी बिक्री वितरण गरी कालो बजारी गर्ने एक ब्यक्तिलाई पक्राउ गरेको छ ।
बैशाख ३१ गते बिहान करिव ५ः३० बजेको समयमा बुटवल उप–महानगरपालिका वडा नं.१ जितगढी बस्ने बर्ष ३४ को मेराज शाहलाई रंगे हात पक्राउ गरेको हो ।
प्रहरीका अनुसार निज शाहले विभिन्न स्थानहरुबाट बाख्री खरिद गरि ल्याइ आफ्नै घरमा काटी मासु पसलमा लगि खसी बोकाको मासु भनी झुक्याई विक्री वितरणगर्दै आईरहेको भन्ने गोप्य सूचनाको आधारमा इलाका प्रहरी कार्यालय बुटवलबाट खटिएको प्रहरी टोलीले निजको घरकोठा खानतलासी गर्ने क्रममा निजले घरमै बाख्री काटी भुत्लाउदै गरेको अवस्थाको टाउको सहित २९ के.जी. सहित ३ वटा बोरामा राखिएको काटेको मासु ४१ के.जी. र काटी फालेको बाख्रीको बिभिन्न भागको अंगहरुको मासुको टुक्रा थान–२ फेला पारी बरामद गर्नुका साथै निज शाहलाई पक्राउ गरेको हो ।
पक्राउ परेका शाहलाई कालो बजार तथा केही अन्य सामाजिक अपराध तथा सजाय ऐन २०३२ बमोजिमको कसुर शिर्षकमा मुद्दादर्ता गरी जिल्ला प्रशासन कार्यालय रुपन्देहीबाट ७ दिन म्यादथप भई इलाका प्रहरी कार्यालय बुटवलबाट थप अनुसन्धान भईरहेको छ ।
