भैरहवा । रुपन्देहीको सिद्धार्थनगर नगरपालिकाले महिला नेतृहरु बिच अन्तरसम्वाद गराउने भएको छ । पुर्व राष्ट्रपति बिद्या देवि भण्डारीको प्रमुख आतिथ्यतामा लुम्बिनी प्रदेश भित्रका महिला जनप्रतिनिधीहरु बिच यही चैत १६ गते शनिवार पटवा बेङक्युटमा अन्तरसम्वाद कार्यक्रम आयोजना गरिएको सिद्धार्थनगर नगरपालिकाका उप प्रमुख उमा अधिकारीले जानकारी दिनुभयो ।
कार्यक्रममा नेपाली कांग्रेसको तर्फबाट केन्द्रीय सदस्य गंगा शाही, एमालेबाट पार्टी केन्द्रीय सचिव पद्मा अर्याल र माओबादी केन्द्रको तर्फबाट पुर्व सञ्चांरमन्त्री रेखा शर्मालाई बक्ताको रुपमा आमन्त्रण गरिएको छ ।
उद्घाटन र बन्द गरी दुई सत्रमा कार्यक्रम आयोजना गरिएको र उक्त कार्यक्रममा लुम्बिनी प्रदेसका महिला सभासद, स्थानीय तहका महिला प्रमुख, उप प्रमुख, अध्यक्ष, उपाध्यक्ष, वडा अध्यक्ष, र कार्यपालिका सदस्यलाई आमन्त्रण गरिएको उप प्रमुख अधिकारीले जानकारी दिनुभयो ।
महिला जनप्रतिनिधीहरु बिच कार्यसम्पदानमा आईपरेका समस्या, समाधान, उपलब्धि, भावि सम्भावना लगायतका बिषयमा केन्द्रीत रहेर अन्तरसम्वाद कार्यक्रमको आयोजना गरिएको सिद्धार्थनगर नगरपालिकाका नगर प्रमुख इश्तियाक अहमद खाँले जानकारी गराउनुभयो ।
