बुटवल । रोटरी क्लव अफ बुटवल चौतारीले आफ्ना सदस्यहरुका लागि अभिमुखीकरण कार्यक्रम सम्पन्न गरेको छ ।
क्लवको वर्ष २०२४÷२५ को २४ औं अर्थात २३२ औं नियमित बैठकका दिन क्लवका सदस्यहरुलाई अभिमुखीकरण प्रदान गरिएको हो ।
रोटरीयनहरुलाई अभिमुखीकरण गर्दै डिष्ट्रिक लर्निङ फेसिलिटिङ कमिटीका चेअर लक्ष्मण ज्ञवालीले कति संख्यामा रोटरीयनहरु वृद्धि गर्यौं भन्दा पनि उनीहरुलाई रोटरीयन बनाइराख्न सक्यौं कि सकेनौं भन्ने कुरा महत्वपूर्ण रहेको बताउनुभयो ।
रोटरी पनि अव समयअनुसार परिवर्तित हुनुपर्नेमा जोड दिंदै ज्ञवालीले नयाँ सोंच र योजना अनुसार रोटरीलाई अगाडि बढाउनुपर्ने र सामाजिक क्षेत्रमा प्रभाव पार्न सक्नुपर्ने उल्लेख गर्नुभयो । रोटरी के हो, यसमा किन आवद्ध हुने जस्ता विषयहरुमाथि प्रकाश पार्दै उहांले समाजमा रोटरीयनको छुट्टै पहिचान र इमेज रहेकाले आफ्नो व्यक्तित्व तथा नेतृत्व विकास र व्यवसाय प्रवद्र्धनका लागि समेत रोटरी महत्वपूर्ण माध्यम बन्न सक्ने बताउनुभयो ।
चौतारीले पायो एसिष्टेन्ट गभर्नर (एजी)
रोटरी क्लव अफ बुटवल चौतारीका निवर्तमान अध्यक्ष दिनेशमणि सुवेदी रोटरी इन्टरनेशनल डिष्ट्रिक ३२९२ को एसिष्टेन्ट गभर्नर (एजी) नियुक्त हुनुभएको छ ।
वर्ष २०२५–२६ का लागि सुवेदी सहायक गभर्नरको रुपमा नियुक्त हुनुभएको हो । एसिष्टेन्ट गभर्नर भएकोमा क्लवले सुवेदीलाई सम्मान समेत गरेको छ । त्यस अवसरमा बोल्दै सुवेदीले क्लवलाई थप उचाईमा पु¥याउन आफूले भूमिका खेल्ने बताउंदै आफूलाई यस स्थानमा पु¥याउन महत्वपूर्ण भूमिका खेल्ने क्लवका संस्थापक अध्यक्ष डा. विष्णु घिमिरे, वर्तमान अध्यक्ष नुमेन्द्र पौडेललगायत क्लवका सबै सदस्यलाई धन्यवाद दिनुभयो ।
बैठकमा बोल्दै क्लवका अध्यक्ष नुमेन्द्र पौडेलले रोटरी क्लव अफ बुटवल चौतारीले एसिष्टेन्ट गभर्नर पाएसँगै क्लवको गरिमा थप माथि उठेको बताउनुभयो । बैठकमा रोटरीयन माधव पौडेलले सम्पूर्ण रोटरीयनहरुलाई स्वागत गर्दै क्लवले अगाडि सारेका हरेक सर्भिस प्रोजेक्टहरुलाई सफलतापुर्वक अगाडि बढाउनुपर्नेमा जोड दिनुभयो ।
