बुटवल । एम्स कलेज, बुटवलले आफ्ना विद्यार्थीहरुलाई प्रविधिमैत्री बनाउन समग्र शैक्षिक उन्नयन, बृत्ति बिकाश र अर्थ उपार्जनकालागि डिजिटल रुपान्तरण विषयमा सेमीनार सम्पन्न ग¥यो ।
सेमीनारमा प्रशिक्षक आईडिया फ्यूजनका कार्यकारी निर्देशक एवं इड्राईभका अध्यक्ष राजकुमार गुप्ताले प्रशिक्षण दिएका थिए । गुप्ताले सहभागी विद्यार्थीहरुलाई डिजीटल बजारीकरण त्यसको उपयोग र प्रभावको बारेमा अभिमुखीकरण गरे । साथै उनले कृतिम बौद्धिकताको प्रयोगको बारेमा जानकारी गराउदै फेसबुक, हवाट्स एप, इन्स्टाग्राम जस्ता सामाजिक संजालबाट सिर्जनशिल कार्यहरुगरी अर्थ आर्जनका साथै वृत्तिविकास गर्न सहभागीहरुलाई उत्प्रेरित गरे ।
सामाजिक संजालको व्यापक प्रयोग र त्यसको सहि सदुपयोग नभैरहेको अवस्थामा अब विद्यार्थीहरुलाई त्यसको उचित उपयोग गर्दै ज्ञानको भण्डार बढाउन र अर्थ आर्जनको साधन बनाउन सिर्जनशिल कामकालागी ब्यवसायीक ट्रोल, मिडीया, रिल आदि बनाउन सिकाईने क्याम्पस प्रमुख दीपक ढकाल ढकालले बताए ।
क्याम्पस प्रमुख दीपक ढकाल एवं प्राध्यापक गोविन्द शर्मा बस्यालको संचालनमा भएको कार्यक्रममा स्कलर्स होम स्कुलका सहप्राचार्य टीकाराम गौतम, प्लस टु संयोजक चेत नारायण पन्थी स्टेरलाइङ्ग इन्टरनेशलन स्कुलका प्रमुख धिरेन राकस, सुरज शाक्य लगायतले धारणा राखेका थिए । कार्यक्रममा ६५ जना विद्यार्थीहरुको सहभागिता रहेको थियो ।
