ब्यापार संघको रजतमहोत्सवमा व्याडमिण्टन प्रतियोगिता : नेपाल र ढुङ्गानाको जोडी प्रथम

बुटवल । रुपन्देही व्यापार संघले २५ वर्ष प्रवेशका अवसरमा आइतवार बुटवलमा संघमा गठित बस्तुगत उपसमिति बिच मैत्रीपूर्ण व्याडमिन्टन प्रतियोगिता सम्पन्न भएको छ । प्रतियोगितामा गल्ला वस्तुगत उपसमितिका विश्वास नेपाल र मनोज ढुङ्गानाको जोडी प्रथम भएको छ ।
प्रतियोगितामा युवाउद्यमी उपसमितिको जोडी टिकाराम न्यौपाने र विरेन्द्र केसीलाई फाइनलमा पराजित गर्दै नेपाल र ढुङ्गानाको जोडी पहिलो भएको हो । यसैगरी जुत्ताचप्पल र व्याग उपसमितिको जोडी सनम थापा र कृष्णबहादुर राना तथा किरण राना र सुरज खनाल तेस्रो भएका छन् ।
संघले आफ्नो रजतमहोत्वसका अवसरमा सञ्चालन गरेको साताव्यापी कार्यक्रम अन्तरत आयोजित ब्याडमिण्टन प्रतियोगितामा विभिन्न उपसमितिका २० जोडी सहभागी रहेका थिए । हार्डवेयर र जुत्ताचप्पल वस्तुगत उपसमितिको सहकार्यमा भएको प्रतियोगिता बुटवल व्याडमिण्टन क्लबको कवर्डहलमा आयोजना गरिएको थियो भने मुख्य रेफ्रीको भूमिका अर्जुन कार्कीले निभाउनु भएको थियो ।
प्रतियोगिताको उद्घाटन संघका पूर्व अध्यक्ष्य यमलाल लोहनीले गर्नु भएको हो । उदघाटन सत्रको अध्यक्षता संघका अध्यक्ष दिपक प्रसाद अधिकारीले गर्नु भएको थियो भने सञ्चालन महासचिव फर्सुराम पन्थ तथा स्वागत कार्यक्रम हार्डवयर वस्तुगत समितिका संयोजक पारशमणि पोखरेलले गर्नु भएको थियो ।
संघले रजतमहोत्सवका अवसरमा कार्तिक २२ गतेबाट साताव्यापी कार्यक्रम सञ्चालन गर्दै आएको छ । साताव्यापी कार्यक्रम अनुसार कार्तिक २६ गते रक्तदान कार्यक्रमको आयोजना गरिदैछ । संघको भवनमा आयोजना हुने रक्तदान कार्यक्रम रक्तसञ्चार केन्द्रको सहयोगमा गरिने कार्यक्रम संयोजक प्रकाश ढकालले बताउनु भयो । कार्तिक २७ गते लुम्बिनी प्रादेशिक अस्पतालका विरामीलाई फलफूल वितरण तथा प्रभातफेरी कार्यक्रम गरिने जनाइएको छ । सोहीदिन रुपन्देहीमा स्थानीय प्रदेश तथा संघीय सरकारका योजना, लक्ष्य तथा यसले पार्ने प्रभाव विषयक गोष्ठी आयोजना गरिदैछ ।
रजतमहोत्सव अन्तरगतको मुलकार्यक्रम कार्तिक २८ गते मंगलबार अन्तर्राष्ट्रिय सम्मेलन केन्द्रमा आयोजना गरिने अध्यक्ष दिपकप्रसाद अधिकारीले बताउनु भयो ।