भैरहवा । जिल्ला प्रहरी कार्यालय रुपन्देहीले भारतबाट भन्सार छली चोरी निकासी, पैठारी गरेको अवस्थामा करिव ३ लाख मूल्य बराबरको अवैध सामान नियन्त्रणमा लिएको छ ।
जिल्ला प्रहरी कार्यालय तथा मातहतका प्रहरी इकाई बाट खटिएको प्रहरी टोलिले रुपन्देही विभिन्न स्थानमा चेकजांच गर्ने क्रममा भारतबाट भन्सार छली नेपाल तर्फ ल्याउंदै गरेको अवस्थामा २ लाख ८२ हजार ७९० रुपैयाँ बराबरको अवैध सामान,सहित सवारी साधन र अवैध कारोवारमा संलग्न मानिसहरुलाई समेत नियन्त्रणमा लिई आवशयक कारवाहीको लागि भैरहवा भन्सार कार्यालय बेलहियामा बुझाएको छ ।
प्रहरीले कुर्ता सुरवाल, साडी १०८ थान, दौरासुरवाल र कोटपाइन्ट ९ सेट, चिनी ३ क्विन्टल, प्याज २ क्विन्टल र किराना सामाग्रीहरु नियन्त्रणमा लिएको छ ।
यस्तै प्रहरीले अवैध कारोबारमा संलग्न रोहिणी गाउँपालिका २ बस्ने राजमन हरिजन, वडा नं. ७ बस्ने सूरज यादव र उनीहरुले प्रयोग गर्ने लु ७ प २५९० नं. को मोटरसाइकल १ थान नियन्त्रणमा लिएको छ ।
