भैरहवा । जिल्ला प्रहरी कार्यालय तथा मातहतका प्रहरी कार्यालयबाट खटिएको प्रहरी टोलीले जिल्लाका बिभिन्न स्थानबाट अबैध रुपमा नदिजन्य पदार्थ तथा माटो उत्खनन गर्ने चार सवारी साधन नियन्त्रणमा लिएको छ । प्रहरीले नियन्त्रणमा लिएका सबै सवारी साधन आवश्यक कारवाहीको लागि सम्बन्धित निकायमा बुझाएको जनाएको छ ।
प्रहरी चौकी खैरेनीबाट खटिएको प्रहरी टोलीले देवदह नगरपालिका वडा नं. ४ बाट ढुङ्गा लोड गरी जांदै गरेको अवस्थामा लु ४ त ३६३९ नं.को ट्याक्टर र सोही नगरपालिका वडा नं. ९ मा माटो उत्खनन गरी ओसारपसार गरिरहेको अवस्थामा लु १ क २४५५ नम्बरको जे.सि.बी. र लु ४ त ७००१ नम्बरको ट्याक्टर नियन्त्रणमा लिई आवश्यक कारवाहीको लागि देवदह नगरपालिकामा बुझाएको छ ।
स्तै अस्थायी प्रहरी चौकी बुटवल देविनगरबाट खटिएको प्रहरी टोलीले बुटवल उप–महानगरपालिका वडा नं ११ प्रगतिनगर स्थित तिनाउ नदीबाट अवैध रुपमा नदीजन्य ढुङ्गा निकाली लोड गरी लांदै गरेको अवस्थामा लु २ त ८२१५ नं को ट्याक्टर नियन्त्रणमा लिएको छ । नियन्त्रणमा लिएको ट्याक्टर आवश्यक कारवाहीको लागि बुटवल उप–महानगरपालिकाको कार्यालयमा बुझाएको प्रहरीले जनाएको छ ।
