कपिलवस्तु महाराजगन्ज नगरपालिका २ का वडा अध्यक्ष अख्तियारको नियन्त्रणमा

कपिलवस्तु । कपिलवस्तुमा एक जना वडा अध्यक्ष अख्तियारको नियन्त्रणमा परेका छन् । अख्तियार दुरुपयोग अनुसन्धान आयोग बुटवलले कपिलवस्तु महाराजगन्ज नगरपालिका वार्ड २ का वडा अध्यक्ष अजिर अलि मुसलमानलाई घर सडक नक्सा पास गर्ने नाममा घुस लिएको आरोपमा कार्यालयबाट नै नियन्त्रणमा लिएको हो ।
कपिलवस्तु महाराजगन्ज नगरपालिका वार्ड २ का वडाध्यक्ष अजिर अलि मुसलमानलाई घर सडक नक्सा पास गर्ने नाममा घुस लिएको आरोपमा कार्यालयबाट नै नियन्त्रणमा लिएको हो ।
अख्तियार दुरुपयोग अनुसन्धान आयोग बुटवलका सूचना अधिकारी एवं उपसचिव ईश्वरी प्रसाद आचार्यले वडा अध्यक्ष मुसलमानलाई १५ हजार नगदसहित नियन्त्रणमा लिएको जानकारी दिनुभयो ।
अख्तियारको टोलीले वडा अध्यक्ष मुसलमानलाई बुटवल ल्याउँदै गरेको र त्यसपछि थप अनुसन्धान प्रक्रिया अगाडी बढ्ने अख्तियारले जनाएको छ ।