बुटवल । नेकपा एमाले रुपन्देहीले पार्टीका जिल्ला कमिटी सदस्य गोविन्द पौडेलको निधनप्रति दुःख व्यक्त गरेको छ । आइतबार एक शोक विज्ञप्ती जारी गर्दै एमाले रुपन्देहीले पौडेलको निधनले एमाले रुपन्देही स्तव्ध भएको उल्लेख गर्दै पार्टीले एक असल र ईमान्दार संगठक गुमाउनु परेको उल्लेख गरेको छ ।
एमाले रुपन्देहीका अध्यक्ष तेजेन्द्र केसीद्वारा जारी शोक विज्ञप्तीमा स्वर्गीय पौडेलले विभिन्न संघ सस्थामा रहेर सफल नेतृत्व गरेको स्मरण गर्दै उहाँले पार्टी र समाजप्रति गरेको योगदान सधै चिरस्थायी रहने उल्लेख गरिएको छ । विज्ञप्तीमा यस दुःखद घडीमा स्वर्गीय पौडेलप्रति हार्दिक श्रद्धाञ्जली अर्पण गर्दै शोकसन्तप्त परिवारजन र आफन्तजनप्रति गहिरो समबेदना व्यक्त गरिएको छ । स्वर्गीय पौडेल सिंगो पार्टी पंक्तिमाझ ईमान, निष्ठा र आदर्शका प्रतिमुर्ति भएको एमाले रुपन्देहीले जनाएको छ ।
केहीबर्ष यता स्वास्थ्यमा समस्या देखिएपछि उपचार गराउँदै आएका पौडेलको ७० वर्षको उमेरमा तिलोत्तमा नगरपालिका वडा नं ५ प्रभातपथ स्थित निवासमै निधन भएको थियो ।
