भैरहवा । जिल्ला प्रहरी कार्यालय रुपन्देही तथा मातहतबाट खटिएको प्रहरी टोलीले जिल्लाका बिभिन्न ठाउंमा चेकजाँच गर्ने क्रममा भारतबाट नेपाल तर्फ अबैध रुपमा भन्सार छली चोरी पैठारी गरी ल्याउदै गरेको १५ लाख बराबरको सामान नियन्त्रणमा लिएको छ ।
चोरी तस्करी नियन्त्रण गर्न विशेष अभियान चलाएको रुपन्देही प्रहरीले भारतबाट अबैध रुपमा भन्सार छली चोरी पैठारी गरी ल्याउंदै गरेको अवस्थामा रु. १४ लाख ६५ हजार ५ सय मुल्य वरावरको सामान नियन्त्रणमा लिई आवश्यक कारवाहीको लागि सम्बन्धित निकायमा बुझाएको छ ।
जिल्ला प्रहरी कार्यालयबाट खटिएको प्रहरी टोलीले चैत २ गते लुम्बिनी सांस्कृतिक नगरपालिका वडा नं. १३ कालिदहबाट लु २ प १३३८ र लु ३९ प ३५८८ नं. को मोटरसाईकलमा ओसारपसार गरी गोदाम गर्दै गरेको अवस्थामा २९० बोरा प्याज मोटरसाईकल सहित नियन्त्रणमा लिएको छ ।
यस्तै सिद्धार्थनगर नगरपालिका वडा न.६ गल्लामण्डीमा लु ६ प २११९ नं.को माटेरसाइकलमा भारत बाट ल्याउदै गरेको २ क्विन्टल प्याज, ४ बोरा खुर्सानी, १ बोरा लौका र २ कार्टुन भिण्डी मोटरसाईकल सहित प्रहरीले नियन्त्रणमा लिएको छ ।
इलाका प्रहरी कार्यालय वुटवलबाट खटिएको प्रहरी टोलीले तिलोत्तमा नगरपालिका वडा नं. ३ मा ४ बोरा चिनी, इलाका प्रहरी कार्यालय बेथरीबाट खटिएको प्रहरी टोलीले मायादेवी गाउँपालिका वडा नं. ३ र ४ सुण्डीबाट ३ वोरा प्याज र वडा नं. २ बाट लु ४ प ५१६३ नं.को मोटरसाइकलमा ल्याउंदै गरेको ४ बोरा प्याज मोटरसाईकल सहित नियन्त्रणमा लिएको छ ।
ईलाका प्रहरी कार्यालय मझगाँवाबाट खटिएको प्रहरी टोलीले मर्चवारी गाउँपालिका वडा नं. ६ बाट ५ वटा खसि बोका, ईलाका प्रहरी कर्यालय बेलहियाबाट खटिएको प्रहरी टोलीले सिद्धार्थनगर नगरपालिका वडा नं. ०१ वाईपास चोकमा बेवारिसे अवस्थामा रहेको १२ पिस कोकाकोला, १०० थान कापी, पापड १२ प्याकेट, हैपी बिस्कुट ८ प्याकेट र चिनी २५ के.जी.बरामद गरेको छ ।
यस्तै ईलाका प्रहरी कार्यालय लुम्बिनीबाट खटिएको प्रहरी टोलीले लुम्बिनी सांस्कृतिक नगरपालिका वडा नं. १३ कालिदहबाट प्याज २८ बोरा र माछा ५५ के.जी. बरावरको सामान बरामद गरेको छ भने प्रहरी चौकी शिवपुर गोनाहबाट खटिएको प्रहरी टोलीले मायादेवी गाउँपालिका वडा नं.०५ बाट प्याज ८ बोरा बरामद गरेको छ ।
यसैगरी प्रहरी चौकी मर्यादपुर, रम्वापुर, पिप्रहवा र खैरेनीबाट खटिएको प्रहरी टोलीले जिल्लाका बिभिन्न स्थानबाट ४४ पिस कुखुरा र ३० के.जी माछा, प्रहरी चौकी दुबेथुमुवाबाट खटिएको प्रहरी टोलीले सम्मरीमाई गाउँपालिका वडा नं. ३ बाट लेडिज कुर्ता सुरुवाल ४० पिस र प्रहरी चौकी मेउडिहवाबाट खटिएको प्रहरी टोलीले सिदार्थनगर नगरपालिका वडा नं. ११ छोटकी प्रिपैयाबाट प्याज ६ बोरा बरामद गरेको छ ।
