रुपन्देहीमा फरार प्रतिवादी पक्राउ, कैद तथा जरिवाना भुक्तानका लागि अदालत पेश

भैरहवा । जिल्ला प्रहरी कार्यालय रुपन्देहीले रुपन्देही जिल्ला अदालतको बिभिन्न मितिको फैसलाले कैद सजाय भई फरार भएका कसुरदारहरुलाई पक्राउ गरेको छ ।
जिल्ला प्रहरी कार्यालय मातहत ईलाका प्रहरी कार्यालय बेथरी र प्रहरी बिट भैरहवा बसपार्कबाट खटिएको प्रहरी टोलीले फरार प्रतिवादीहरुलाई पक्राउ गरी कैद तथा जरिवाना भुक्तानका लागि आज रुपन्देही जिल्ला अदालत पेश गरेको छ ।
प्रहरीका अनुसार मिति २०५२÷०१÷०३ गतेको फैसलाले लागु औषध मुद्धामा रु.१ हजार ५सय जरिवाना भएका जिल्ला रुपन्देही सिद्धार्थनगर नगरपालिका वडा नं. १३ बस्ने हरि परियार, २०६५।५।३० गतेको फैसलाले सवारी ज्यान मुद्धामा रु.२ हजार जरिवाना भएका जिल्ला रुपन्देही मायादेवी गाउँपालिका वडा नं.४ बस्ने जगदिश चाईलाई पक्राउ गरेको हो ।