बुटवल । बुटवल–११ कालिकानगरमा सञ्चालित अमरज्योति बचत तथा ऋण सहकारी संस्था लिमिटेडले संस्थाको सोह्रौं स्थापना दिवसको अवसरमा शेयर सदस्यहरूसँग अन्तरक्रिया सहितको सहकारी शिक्षा शिविर सम्पन्न गरेको छ ।
संस्थाका अध्यक्ष केशवराज पोखरेलको अध्यक्षतामा भएको कार्यक्रममा बचत संकलन र लगानी बीच जम्मा १ रूपियाँ ब्याजदरको अन्तरालमा अमरज्योतिले काम गर्दै आएको भन्दै, सबै शेयर सदस्यहरूलाई संस्थाको पारिवारिक सदस्यका रूपमा गुणात्मक उन्नतिका लागि पनि सहकारीले काम गर्दै आएको बताइएको थियो ।
साथै, सो सहकारीले शेयर सदस्यहरूलाई उत्प्रेरित गर्न विभिन्न विधामा पुरस्कार, सम्मान र लगानीका बहुपक्षीय आयाम कार्यान्वयन गर्दै आएको र सुशासनमा अब्बल संस्थाका रूपमा निरन्तर परिचित हुँदै आएको जानकारी गराइएको थियो ।
कार्यक्रममा नेपाल सरकारका उपसचिव एवम् संस्थाका सल्लाहकार धु्रव नेपाल, उद्यमशीलता प्रशिक्षक मुकुन्द ज्ञवाली र मोटिवेशनल स्पीकर एवम् संस्थाका सदस्य मुक्तिनाथ गैह्रेले प्रशिक्षण दिनुभएको थियो । संस्थाका सचिव लक्ष्मणप्रसाद ज्ञवालीको सञ्चालनमा भएको कार्यक्रममा संस्थाका उपाध्यक्ष कृष्णप्रसाद पौडेलले स्वागत गर्नुभएको थियो ।
स्थापना दिवसका अवसरमा हरेक वर्ष सामाजिक उत्तरदायित्वकै रूपमा लोककल्याणका कार्यक्रम अन्तर्गत रक्तदान, खाद्यान्न वितरण, कम्बल वितरण लगायतका काम गर्दै आएको यो सहकारीले आफ्ना सदस्यहरूलाई पारदर्शी वित्तीय व्यवस्था सहित अब्बल सामाजिक जीवन व्यतित गर्न ÷ गराउन अन्तक्र्रिया सहितको सहकारी शिक्षा शिविर समेत सञ्चालन गरिएको संस्थापक अध्यक्ष मिनराज ज्ञवाली (कृष्ण) ले जानकारी दिनुभयो ।
