तिलोत्तमा । रुपन्देहीको तिलोत्तमा नगरपालिका–७ भलबारीस्थित लुम्बिनी इन्जिनियरिङ्ग, म्यानेजमेन्ट एण्ड साइन्स कलेज (लेक) मा आइतबारदेखि चलेको लेक दुई दिने लेक एक्स्पो–२०२४ सकिएको छ । एक्स्पोको करिव ९ हजार बढी दर्शकले अवलोकन गरेका छन ।
कलेजका डाइरेक्टर तुलसीप्रसाद सापकोटाका अनुसार बिभिन्न बिद्यालय, कलेजका बिद्यार्थी, शिक्षक, कर्ममचारि, अभिभावक, स्थानिय तथा सरकाारी र गैरसरकाारी निकायबाट समेत गरि करिव ९ हजार बढिले एक्स्पोको अवलोकन गरेका छन ।
सिभिल, कम्प्युटर र इलेक्ट्रिक एण्ड इलेक्ट्रोनिकतर्फका विद्यार्थीहरुले ५० वटा प्रोजेक्ट तयार गरि एक्स्पोमा प्रदर्शन गरेका थिए ।
कलेजका सदस्य सचिव डा.के. एन. पाण्डेयले विद्यार्थीहरुको क्षमता अभिवृद्धिसहित व्यक्तित्व विकास गर्ने र देशमा नयाँ प्रविधि भित्राउन टेवा समेत पुरयाउने उद्देश्यले एक्स्पो आयोजना गरिएको बताउनुभयो । कलेजका प्रिन्सिपल राजकपुर शाहले विद्यार्थीको अध्ययन र त्यसको प्राबिधिक प्रयोगलाई एक्स्पोले उजागर गरेको बताउनुभयो। उहाँले २/२ बर्षमा गरिने यस्तो एक्स्पोले विद्यार्थीलाई अझै प्रेरणा र उर्जा साथै नयाँ प्रविधिमा अपडेट गराएको उल्लेेेख गर्नुभयो ।
एक्सपोको सबै तयारि तथा आन्तरिक ब्यबस्थापन कलेज आफैले गरेको र विद्यार्थीको अन्तरनिहित प्रतिभा प्रस्फुटन गर्ने उद्देश्यले बिद्यार्थी तथा अभिभावकलाई पढाई पछि व्यवहारिक शिक्षाको सिकाई प्रक्रियालाई झन् मजबुत बनाउन यस्तो कार्यक्रमको आयोजना गरिएको एक्स्पोका कोअर्डिनेटर बिष्णु चन्द्र झाले बताउनुभयो।
एक्सोपोमा सिभिल विभागतर्फका २४, कम्प्युटर विभागतर्फका १४ र इलेक्ट्रिक एण्ड इलेक्ट्रोनिक विभागतर्फबाट १२ वटा प्रोजेक्ट राखिएको थियो।
कलेजका अध्यक्ष रामचन्द्र ढकालले विद्यार्थीले बनाएका प्रोजेक्टहरु देशका प्रतिष्ठित संस्था, सरकारी तथा गैर सरकारी प्रोजेक्ट,घर, उद्योग तथा विद्यालय, सडक, कृषिलगायतका क्षेत्रमा प्रयोग गर्न सकिने बताउनुभयो।
एक्स्पोमा विद्यार्थीले केही नयाँ प्रोजेक्टहरु तयार गरेको र केही पुराना भएपनि नेपालमा प्रयोगमा नआएका प्रोजेक्टहरु तयार तथा प्रदर्शन गरेका थिए । डिप्लोमादेखि मास्टर डिग्रीसम्म पूर्णतः इन्जिनियरिङ्ग पढाइ हुने यस कलेजमा हाल डिप्लोमा १४९, व्याचलरमा ६७५ र मास्टर डिग्रीमा ६० जना गरी जम्मा ८८४ जना विद्यार्थी अध्ययनरत रहेका छन् । कलेजले विद्यार्थीहरूको प्रतिभा तथा क्षमता प्रदर्शन गर्न हरेक २/२ बर्षमा एक्स्पो आयोजना गर्दै आइरहेको थियो । विद्यार्थीहरुले निर्माण गरेका उत्कृष्ट ५० प्रोजेक्टहरुको बिद्यार्थिहरु आफैले ब्रिफिंग गरेका थिए ।
