रुपन्देही प्रहरीद्वारा ७२ बोरा अवैध प्याज बरामद

भैरहवा । जिल्ला प्रहरी कार्यालय रुपन्देहीले भन्सार छलीको अवैध प्याज नियन्त्रणमा लिएको छ । जिल्ला प्रहरी कार्यालय रुपन्देहीबाट खटिएको प्रहरी टोलीले भारतबाट नेपाल तर्फ अबैध रुपमा भन्सार छली चोरी पैठारी गरी ल्याउंदै गरेको अवस्थामा १ लाख ६२ हजार ७५० मुल्य वरावरको प्याज वरामद गरेको हो ।
प्रहरीले यही पुस २२ गते जिल्लाको मायाँदेवी गाउँपालिका वडा नं. ४सुण्डीमा अबैध रुपमा भारतबाट नेपाल तर्फ भन्सार चोरी छली गरी ल्याउँदै गरेको अवस्थामा ७२ बोरा (३ हजार २५५ के.जी.) प्याज वेवारिसे अवस्थामा फेला पारी स्थानीय मानिसहरुको रोहवरमा बरामद गरेका हो । बरामद भएको प्याज आवश्यक कावाहीको लागि भैरहवा भन्सार कार्यालय बेलहिया पठाइएको जिल्ला प्रहरी कार्यालय रुपन्देहीले जनाएको छ ।