बुटवल । रोयल ईनफिल्ड मेटेयोर ३५० को बिक्री शुभारम्भ भएको छ । रोयल ईनफिल्ड बुटवलको लागि आधिकारिक बिक्रेता गैरे प्रतिष्ठान प्रा.लि.बुटवलले एकै समयमा बुधबार देशभर एकैसाथ बिक्री शुभारम्भ गर्ने कम्पनीको योजना अनुसार रोयल ईनफिल्ड ३५० को बुटवलबाट बिक्री खुला गरेको हो ।
बिक्री शुभारम्भ कार्यक्रमको उद्घाटन गैरे प्रतिष्ठानका अध्यक्ष प्रेमराज गैरे र सञ्चालक लक्ष्मि गैरेले संयुक्त रुपमा गर्नुभएको थियो ।
आज बिक्री शुभारम्भ गरिएको रोयल ईनफिल्ड मेटेओर ३५० मोटर बाईक नेपालको सबै प्रकारको भूगोल एवम् लामो तथा छोटो दुरिका लागि उपयुक्त रहेकोले सबै उमेर समूहका ग्राहकको पहिलो रोजाई बन्ने कुरामा कम्पनी विश्वस्त रहेको सञ्चालक लक्ष्मि गैरेले बताउनु भयो ।
सो बाईक फायरवल, स्टेलर र सुपरनोभा गरी तीनवटा सिरिजमा रु.पाँच लाख पचास हजार देखि पाँच लाख पैसठ्ठी हजार बजार मूल्य रहेको छ । सञ्चालक लक्ष्मि गैरेको अध्यक्षतामा भएको शुभारम्भ कार्यक्रमको सञ्चालन युवा उद्यमी तथा प्रा.लि.का प्रमुख प्रबन्धक धुर्व सापकोटाले गर्नुभएको थियो ।
