भैरहवा । जिल्ला प्रहरी कार्यालय रुपन्देहीले लागु औषध ब्राउनसुगर सहित एक जनालाई पक्राउ गरेको छ ।
सिद्धार्थनगर नगरपालिका वडा नं. ८ बैंक कलौनीमा लागु औषध कारोवार भईरहेको छ भन्ने गोप्य सूचनाको आधारमा जिल्ला प्रहरी कार्यालयखटि गएको प्रहरी टोलीले जिल्ला रुपन्देही मर्चवारी गाउँपालिका वडा नं. ४बस्ने बर्ष २१ को गोपी किसन चौधरीलाई पक्राउ गरेको हो ।
प्रहरीले निज चौधरीलाई सोधपुछ तथा शरिर समेत खानतलासी गर्दा निजले लगाएको ज्याकेटको बायाँ तर्फको भित्री खल्तीमा लागु औषध ब्राउनसुगर जस्तो देखिने खैरो पदार्थ बरामद गरेको छ । निज चौधरीसंग रहेको लागु औषध ब्राउनसुगरको ११ वटा पुरिया एकै ठाउँमा मिसाई तौल गर्दा १६ ग्राम ३०० मिलीग्राम बरामद गरी थप अनुसन्धान कार्य भईरहेको प्रहरीले जनाएको छ ।
