बुटवल । बुटवलको एक बैङ्कका कर्मचारी बुटवल फुलबारीमा झुण्डीएको अवस्थामा फेला परेका छन् । इलाका प्रहरी कार्यालय बुटवलका प्रमुख प्रहरी नायव उपरीक्षक(डिएसपी) दानबहादुर थापाका अनुसार बुटवलको फुलवारी स्थित मणिमुकुन्द सेन उद्यानको रुखमा शाइन रेसुङ्गा बैंकमा कार्यरत प्रकाश शर्मा झुण्डिएको अवस्थामा फेला परेको बताउनुभयो ।
प्रहरी नायव उपरीक्षक थापाका अनुसार आज बिहान फुलवारीको एक रेष्टुरेन्टमा खाजा नास्ता खाएका शर्मा केहीबेर पछि पार्कको एकान्त स्थानमा रहेको रुखमा पासो लगाएर झुण्डिएको अवस्थामा फेला परेका थिए । शर्मा बुटवलको ट्राफिकचोक स्थित शाइन रेसुङ्गा बैंकको कर्जा शाखामा कार्यरत रहेका थिए ।
इलाका प्रहरी कार्यालय बुटवलका प्रहरी प्रमुख डीएसपी थापाले घटनाका विषयमा अनुसन्धान सुरु गरिएको जानकारी गराउनु भयो । आँशु उपनामले परिचित प्रकाशले बेलाबेलामा कविता समेत लेखेर वाचन गर्ने गर्दथे ।
